Giunsa Namo Pagsimba

Sa Phnom Penh, Cambodia

Litrato gikan sa Getty Images

Kumusta! Ako si Mery V.

Ako 16 anyos, ug nagpuyo ko sa Phnom Penh, ang kaulohang siyudad sa Cambodia. Ganahan kong magdula og mga sport uban sa akong mga higala, ug ganahan ko makakat-on og bag-ong mga butang.

Kaniadto akong ikomparar ang akong kaugalingon ngadto sa uban kinsa sa akong hunahuna maayo og kahimtang kay kanako, ilabi na sa mga tawo kinsa mas kwartahan. Hinoon, samtang nag-ampo ko sa Langitnong Amahan, Siya mihatag kanako og pagsalig sa akong kaugalingon.

Siya Nag-andam sa Agianan

Ako nakakat-on nga bisan pa man sa akong mga hagit, ang Dios kanunayng nag-uban kanako ug nagtabang kanako. Ako nasayod nga Siya wala maghatag kanato og bisan unsa nga sugo gawas kon Siya naghatag og paagi alang kanato nga matuman kini (tan-awa sa 1 Nephi 3:7).

Ang akong paborito nga bahin mahitungod sa akong pagkamiyembro sa Ang Simbahan ni Jesukristo sa mga Santos sa Ulahing mga Adlaw mao nga ako nasayod nga ako makapuyo sa langit og usab uban sa akong pamilya kon kita mamatay. Ako adunay malipayon nga pamilya, kinsa adunay maayong ehemplo sa mga tawo sa ilang palibot. Sila manggihatagon kaayo sa ilang gugma ug motabang nako nga mahimong mas lig-on.

Ang Hugot nga Pagtuo Makadala og Pagsalig sa Kaugalingon

Isip usa ka miyembro sa Simbahan dili lisod alang nako tungod kay ang akong hugot nga pagtuo sa Dios nakatabang nako nga magmasaligon sa kaugalingon ug makabaton og mas maayo nga kinabuhi. Malipayon gayod ko Madominggo sa buntag tungod kay ako makaadto sa simbahan uban sa akong pamilya. Kami sa kasagaran magbasa sa kasulatan sa dili pa mangatulog, ug usahay kami magkat-on gikan sa Dali, Sunod Kanako.

Ang unang templo sa Cambodia gipahibalo niadtong 2018. Sa kasamtangan kini gitukod pa ug maanaa sa Phnom Penh.

Si Mery mamulong sa Khmer nga pinulongan, usa sa 12 ka major nga pinulongan nga gigamit nga sinultihan sa Cambodia.

Adunay mga 15,600 ka mga miyembro sa Simbahan sa Cambodia, nga adunay duha ka stake nga naglangkob sa 10 ka ward ug 18 ka branch.

Adunay usa ka misyon sa Cambodia.

Ang volleyball mao ang labing sikat nga dula sa Cambodia. Usa ka sport nga gitawag og sepak takraw, o kick volleyball, sikat usab.

Ang Cambodia ilado sa gidayan-dayanan nga mga templo sa Buddhist. Adunay kapin sa 4,000 niini sa tibuok nasod!

Sultihi Kami Kon Giunsa Ninyo Pagsimba

Gusto kaming maminaw kon giunsa ninyo pagsimba sa diin kamo nagpuyo. Padad-i kami og mubo nga paghulagway sa inyong dapit, unsay inyong buhaton sa Igpapahulay, inyong paborito nga mga kalihokan, o bisan unsang butang nga inyong mahunahunaan. Ipadala kini ngadto sa [e-mail].