“Magpabilin diha sa Gugma sa Manluluwas,” Alang sa Kalig-on sa mga Kabatan-onan, Hunyo 2023.
Kataposang Pulong
Magpabilin diha sa Gugma sa Manluluwas
Gikan sa usa ka pakigpulong sa Oktubre 2016 nga kinatibuk-ang komperensiya.
Si Jesus miingon:
“Sama sa paghigugma kanako sa Amahan, ako sa ingon nahigugma kaninyo: pabilin kamo diha sa akong gugma.
Mga paghulagway pinaagi ni Jarom Vogel
“Kon tumanon ninyo ang akong sugo, magapabilin kamo sa akong gugma; maingon nga gituman ko ang mga sugo sa akong Amahan ug nagapabilin ako diha sa iyang gugma.” (Juan 15:9–10).
Ang “magpadayon diha” o “magpabilin diha” sa gugma sa Manluluwas nagpasabot sa pagdawat sa Iyang grasya ug mahingpit pinaagi niini. Aron madawat ang Iyang grasya, kinahanglan nga duna kitay [hugot nga] pagtuo kang Jesukristo ug motuman sa Iyang mga sugo, lakip ang paghinulsol sa atong mga sala, pagpabunyag alang sa kapasayloan sa mga sala, pagdawat sa Espiritu Santo, ug [pag]padayon sa dalan sa kamasulundon.
Gipadayag ni Jesus nga ang pag-ula sa atong mga sala ug pagtubos kanato gikan sa kamatayon, sa pisikal ug sa espiritwal, Iyang pag-antos—ang kinadak-an nga pagpakita sa Iyang gugma—naghimo Kaniya “gani ang Dios, ang labing halangdon sa tanan sa pagkurog tungod sa kasakit, ug sa pag-agas sa dugo sa matag lungag sa panit, ug sa pag-antos sa lawas ug sa espiritu” (Doktrina ug mga Pakigsaad 19:18). Ang Iyang pag-antos diha sa Getsemani ug … sa krus mas labaw kay sa maantos sa tawo. Bisan pa, tungod sa Iyang gugma sa Iyang Amahan ug kanato, Siya milahutay ug, isip sangpotanan, makatanyag Siya kanato sa pagka-imortal ug kinabuhing dayon.
Ang balaang gugma bililhon kaayo nga gasa!
Dili ba ninyo higugmaon Siya nga unang nahigugma kaninyo? (see 1 Juan 4:19)? [Nan tumana ang] Iyang mga sugo. Dili ba ninyo higalaon Siya nga mitugyan sa Iyang kinabuhi para sa Iyang mga higala? (tan-awa sa Juan 15:13)? [Nan tumana ang] Iyang mga sugo. Dili ba kamo magpabilin diha sa Iyang gugma ug modawat sa tanan nga mabination Niyang gitanyag kaninyo? [Nan tumana ang] Iyang mga sugo. Akong pag-ampo nga kita mobati ug hingpit nga magpabilin diha sa Iyang gugma.