“Kon ang Alang sa Kalig-on sa mga Kabatan-onan nga giya wala nagsulti nga dili buhaton ang usa ka butang, nagpasabot ba kana nga OK lang kini?,” Alang sa Kalig-on sa mga Kabatan-onan, Hunyo 2023.
Direkta sa Punto
Kon ang Alang sa Kalig-on sa mga Kabatan-onan nga giya wala nagsulti nga dili buhaton ang usa ka butang, nagpasabot ba kana nga OK lang kini?
Ang katuyoan sa Alang sa Kalig-on sa mga Kabatan-onan nga giya “dili ang paghatag kaninyo og ‘oo’ o ‘dili’ mahitungod sa matag posible nga pagpili nga lagmit ninyong atubangon. Hinoon, ang Ginoo nagdapit kaninyo sa pagpakabuhi diha sa usa ka mas halangdon ug mas balaan nga pamaagi—ang Iyang pamaagi” (Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022], 4–5).
Si Elder Dieter F. Uchtdorf sa Korum sa Napulog Duha ka Apostoles misulti mahitungod sa giya: “Si Jesukristo adunay taas kaayo nga mga sumbanan alang sa Iyang mga sumusunod. …
“… Ang Ginoo wala mag-ingon, ‘Buhata bisan unsay inyong gusto.’
“Siya nag-ingon, ‘Ipatigbabaw ang Dios labaw sa tanan.”1
Kon ang Alang sa Kalig-on sa mga Kabatan-onan nga giya wala direktang nagsulti nga dili buhaton ang usa ka butang, wala kana nagpasabot nga kamo kinahanglang mohunahuna dayon nga OK lang kini nga buhaton. Paghunahuna sa lahi nga paagi. Sa bisan unsa nga pangutana, paghunahuna mahitungod sa mga kamatuoran nga gipadayag sa Ginoo nga may kalabotan ngadto niana nga pangutana. Samtang kamo magkat-on mahitungod niini nga mahangtoron nga mga kamatuoran, tinguhaa nga gamiton kini diha sa inyong mga pagpili ug pangayo sa direksiyon sa Langitnong Amahan. Dayon Siya mopanalangin kaninyo.