“Ang mga Sambingay sa Manluluwas,” Alang sa Kalig-on sa mga Kabatan-onan, Hunyo 2023
Ang mga Sambingay sa Manluluwas
Ang Higala sa Tungang Gabii
Kon miabot ang usa ka higala sa inyong panimalay sa tungang gabii nga nangayo og pan, kamo ba …
-
Mohatag niini ngadto kaniya?
-
O
-
Isalikway siya?
Kon makasugat kamo og bata nga gigutom, kamo ba mohatag niya og …
-
Pan?
-
Usa ka bato?
-
Usa ka isda?
-
Usa ka bitin?
-
Usa ka itlog?
-
Usa ka tanga [scorpion]?
Ang tubag:
Ang Manluluwas mipasabot nga bisan ang usa ka tawo nga natulog diha sa higdaanan, natugaw sa tungang gabii, mohatag og pan ngadto sa iyang higala kon ang iyang higala mangayo sulod sa taas nga panahon. Ug ang mga ginikanan mohatag sa ilang mga anak og pagkaon kon sila mangayo alang niini.
Unsa may gipasabot niini?
Dili kita hingpit, apan nasayod kita kon unsaon sa paghatag og maayo nga mga gasa ngadto niadtong kinsa mangayo kanato. Ang Langitnong Amahan hingpit, ug nasayod Siya unsaon sa paghatag sa labing maayo nga mga gasa ngadto sa Iyang mga anak (kitang tanan—lakip kaninyo).
Siya nahigugma kaninyo. Siya nakadungog sa inyong mga ampo (bisan sa tungang gabii!) ug nasayod sa inyong mga panginahanglan. Siya motabang kaninyo sa Iyang panahon ug paagi.