“Ikonektar,” Alang sa Kalig-on sa mga Kabatan-onan, Hulyo 2023.
Ikonektar
Aura K.
16, Nairobi, Kenya
Litrato pinaagi ni Benson Arudo
Gusto ko nga magluto sa hudno [oven]. Gusto ko sa mga pahiyom nga gikan sa nagluto sa hudno. Ang tanan gusto og lami nga idalit nga pagkaon. Usa ka higayon gibiyaan ni mama ang tanang sangkap alang sa pan nga saging [banana bread] diha sa kusina, apan wala siya maghunahuna sa pagbuhat niini.
Mihukom ako sa pagluto diha sa hudno sa pan nga saging alang kaniya. Wala madugay akong nahibaloan nga ang pan nga saging dili alang kaniya. Hinoon, giandam niya kini aron ihatag ngadto sa iyang mga estudyante. Nalipay kaayo ang akong mama nga mitabang ako kaniya sa niana nga paagi.
Ang misyonaryo nga buhat maoy usa ka laing butang nga ako malingaw sa pagbuhat! Ang pipila sa mga kalihokan sa Simbahan nga ako nalingaw mao ang paghatag sa mga tawo og mga kopya sa mga kasulatan ug sa pagkanta og mga himno ngadto kanila.
Sa laing panahon nakit-an ko sa akong higala nga nagbasa sa Liahona nga magasin ug nangutana kanako mahitungod sa Simbahan. Akong gipasabot ngadto kaniya ang mahitungod sa paghinulsol ug ang Pag-ula ni Jesukristo. Na-interesado kaayo siya, ug akong gihatag kaniya ang kopya sa Liahona.
Gusto ko ang pagsangyaw sa ebanghelyo ngadto sa uban aron nga sila adunay higayon nga mahibalo pa og dugang mahitungod sa Langitnong Amahan.