“Ang Usikan nga Anak,” Alang sa Kalig-on sa mga Kabatan-onan, Hulyo 2023.
Ang mga Sambingay sa Manluluwas
Ang Usikan nga Anak
Usa ka masukolon nga anak nga lalaki nangayo alang sa iyang bahin sa katigayonan ug mibiya sa panimalay.
Giusik-usikan niya ang tanan nga gihatag sa iyang amahan diha sa kalipay.
Miabot ang dakong kagutom, busa mitrabaho siya sa paglawog sa mga baboy.
Usa ka adlaw nakaamgo siya nga makapauli siya ug makapangayo og tabang.
Sa dihang miabot siya sa panimalay, mihangyo siya nga mahimong sulugoon ngadto sa iyang pamilya, wala magtuo nga siya angay tagdon pa isip anak nga lalaki sa iyang amahan.
Apan gipasaylo sa amahan ang usikan ug gidawat siya isip iyang anak nga lalaki, ug ang panimalay nagsaulog sa pagbalik sa anak nga lalaki.
Unsa ang Kahulogan Niini
Ang usikan nga anak nga lalaki nagrepresentar kanato kon kita mosukol batok sa atong Langitnong Amahan. Apan bisan asa kita moabot o unsay atong nabuhat, ang Langitnong Amahan gusto kanato nga mopauli sa panimalay ngadto Kaniya ug sa ebanghelyo ni Jesukristo.
Dili kita kinahanglan nga mahimong perpekto. Kinahanglan kitang magbasol ug magpaubos, moduol ngadto ni Kristo ug maghinulsol. Ang Dios mosul-ob kanato sa himaya ug mopakita kanato sa atong tinuod nga katakos.