Lig-on nga mga Pundasyon

Pagkakaplag og usa ka Panimalay, Gugma, ug Pagkanasakop

Paghulagway pinaagi ni Jessica Parker

Ako sayis sa dihang kinahanglan akong mobiya sa akong natawhan nga pamilya. Kadto subo kaayo ug makahahadlok. Pila ka bulan human kini mahitabo, una akong nakadungog mahitungod ni Jesukristo.

Misugod ako sa pagbisita og usa ka pamilya kinsa nahimo nga akong tigbantay nga pamilya. Daghan sila og mga bata kinsa maloloy-on ngari kanako ug nahigugma sa Manluluwas. Ang akong bag-ong pamilya mipasimba kanako uban kanila, ug mibati ako nga luwas ug malipayon didto.

Mikabat og pipila ka mga tuig sa pagsimba ug pagbasa sa mga kasulatan sa wala pa ako makasabot kon unsa ang ebanghelyo, ug ako gusto gyod kaayo nga magpabunyag. Ako 12 anyos ang panuigon sa dihang sa kataposan ako gisagop sa akong tigbantay nga pamilya, ug gitugotan nga magpabunyag kon ako gusto!

Sa akong bunyag, mipamatuod ako ug mibati sa gugma sa Dios nga naglibot kanako uban sa talagsaong kusog.

Ang pagbasa sa Basahon ni Mormon ug pagkat-on mahitungod ni Jesus nagtabang kanako nga mahibalo nga ako wala mag-inusara ug nga ako usa ka anak sa Dios. Bisan kon ang mga butang wala mahimo sa paagi nga ako gusto, Siya kanunay nga maanaa alang kanako.

Violet B., Hawaii, USA