Pagtulon-an human sa usa ka Pagtulon-an

Ang mga Panahon sa Pasig-uli

Pagkat-on kon unsa ang gisulti ni Apostol Pedro sa mga katawhan mahitungod sa Pagpahiuli.

Unang Panan-awon

First Vision [Unang Panan-awon], ni Walter Rane

Mga Buhat 3:19–21

19 Busa, paghinulsol kamo, ug pamalik na kamo kaniya, aron mapala ang inyong mga sala, aron ang mga panahon sa kahayahay magaabot gikan sa atubangan sa Ginoo;

20 Ug aron iyang ipadala si Jesukristo, nga gitagana alang kaninyo:

21 Siya nga kinahanglan pagahawiran una sa langit hangtod sa panahon sa pagtuman [pasig-uli] na sa tanang butang, nga gisulti sa Dios pinaagi sa baba sa iyang mga balaang propeta sukad pa sa karaang kapanahonan.

mga panahon sa kahayahay

Ang “mga panahon sa kahayahay” nga gisulti ni Pedro mao ang mga panahon nga si Jesus moanhi pag-usab. Human sa Ikaduhang Pag-anhi, “ang yuta pagabag-ohon ug makadawat sa iyang paraisohanon nga himaya” (Mga Artikulo sa Hugot nga Pagtuo 1:10).

ang mga panahon sa pasig-uli sa tanan nga mga butang

Ang “mga panahon sa pasig-uli sa tanang butang” mao kanus-a mahitabo ang Pagpahiuli sa ebanghelyo. Kana nga panahon naglakip sa ulahing mga adlaw (atong mga adlaw!) ug sa panahon nga si Jesukristo moanhi pag-usab.

Ang pagpahiuli nagpasabot sa pagdala og balik o pag-uli. Ang Pagpahiuli sa ebanghelyo misugod sa tingpamulak sa 1820, sa dihang ang Langitnong Amahan ug si Jesukristo mipakita ngadto ni Propeta Joseph Smith. Kana mao kanus-a ang daghang mga butang gisugdan sa pagdala og balik nganhi sa yuta, lakip sa lunsay nga mga kamatuoran, awtoridad sa pagkapari, ug Simbahan ni Jesukristo.

tanan niyang balaang mga propeta sukad sa sinugdanan sa kalibotan

Sukad sa karaang mga panahon, nanagna ang mga propeta nga ang Anak sa Dios, si Jesukristo, moanhi sa yuta ug mahimong atong Manluluwas. Sila usab nanagna nga si Jesukristo moanhi sa ikaduhang higayon.

Ug ang mga propeta usab nanagna nga sa dili pa ang Manluluwas mobalik pag-usab, Siya mopahiuli sa Iyang ebanghelyo ug sa Iyang Simbahan nganhi sa yuta. Ang Pagpahiuli nga gipanagna sa mga propeta nagpanghitabo sa atong panahon.