“Unsaon nako nga mahimong usa ka ehemplo ngadto sa mga sakop sa akong pamilya kinsa nanglimbasog sa pagpuyo sa mga pagtulon-an ni Jesukristo?” Alang sa Kalig-on sa mga Kabatan-onan, Hulyo 2023.
Mga Pangutana ug Mga Tubag
“Unsaon nako nga mahimong usa ka ehemplo ngadto sa mga sakop sa akong pamilya kinsa nanglimbasog sa pagpuyo sa mga pagtulon-an ni Jesukristo?”
Ipakita, Serbisyo, ug Pakigbahin
“Ipakita sa imong pamilya kon giunsa sa pagpuyo sa ebanghelyo paghimo kanimo nga mobati og kalipay. Ikaw makaserbisyo kanila ug makahimo sa pakigbahin sa imong mga kasinatian uban kanila. Makadapit ka usab sa mga misyonaryo sa paghimo og home evening sa inyong panimalay.”
Luciana M., 18, Mendoza, Argentina
Paningkamot sa Pagsabot
“Pipila sa mga sakop sa akong pamilya nakahimo og mga butang nga dili subay sa mga sumbanan sa Dios. Paninguha sa pagsabot sa ilang pangatarongan alang sa unsay ilang gibuhat. Kini wala magpasabot nga ikaw kinahanglang mobuhat unsay ilang gibuhat. Labaw ka importante, higugmaa sila walay pagsapayan kon unsay ilang gibuhat o gisulti.”
Melody E., 13, Texas, USA
Sunod sa Manluluwas
“Kanunay akong maninguha nga mahimong ehemplo alang sa akong pamilya pinaagi sa pagsulti mahitungod sa mga pagtulon-an sa Simbahan. Kanunay akong maninguha sa pagpakita sa ehemplo ni Kristo diha sa akong kaugalingon. Ako nahibalo nga kon ako mosunod Kaniya, mahimo akong usa ka maayong ehemplo ngadto sa akong pamilya ug motabang sa pagdala sa kahayag ni Kristo ngadto sa ilang mga kinabuhi.”
Adalia C., 19, Rio Grande do Sul, Brazil
Pagpatukar og Makapabayaw nga Musika
“Akong palibotan ang akong kaugalingon sa maayong media nga nagdala sa Espiritu ngadto sa akong panimalay. Ang pagpatugtog og usa ka himno diha sa piano nagtabang kanako sa pagbati og hingpit nga kalipay bisan kon ang mga sakop sa akong pamilya nanlimbasog. Padayon sa pagsalig diha sa Manluluwas alang sa hingpit nga kalipay ug kalinaw, bisan kon ang uban nga naglibot kanimo dili.”
Lauren B., 14, Maryland, USA
Higugmaa Sila
“Dili ka makausab sa mga pagpili sa mga sakop sa imong pamilya kay sa sila makausab sa imo, apan ikaw makahigugma kanila sa kanunay. Mipakita si Kristo og dako kaayong gugma ngadto sa mga tawo nga wala makauyon o gani makagusto Kaniya. Ang tanan usa ka anak sa Dios, ug pinaagi sa imong gugma, sila makabati sa gugma sa Langitnong Amahan.”
Brooklyn D., 17, Utah, USA
Paningkamot sa Pagtan-aw sama sa Pagtan-aw ni Kristo
“Ang pagbaton sa Kristohanong gugma ug paninguha sa pagtan-aw lapas sa ilang mga kahuyang makatabang kanato sa pagsabot kon unsay ilang gisinati. Si Jesukristo nakasabot sa matag usa kanato sa hingpit nga paagi. Ug kita makasugod sa pagtan-aw ug sa pagtabang sa uban sama nga Siya nagbuhat kon kita naghangyo Kaniya sa paggiya kanato.”
John K., 17, Indiana, USA
Ayaw Paghukom
“Ako nagkat-on sa paghigugma kanila, pagmabination ngadto kanila, ug sa dili paghukom kanila.”
Logan C., 18, Utah, USA