Ko e Tauhisipi Leleí

ʻOku haʻu ha kaihaʻa ke kaihaʻasi ha sipi, ka ʻoku ʻikai ke ne lava ʻo hū ki loto ʻi he matapaá.

ʻI he feinga ʻa e kaihaʻá ke hū ʻi ha feituʻu ʻe tahá, ʻokú ne ui ʻa e fanga sipí. Ka ʻoku ʻikai ke nau fanongo kiate ia he ʻoku nau ʻiloʻi ko ha tokotaha foʻou ia.

ʻOku ui ʻa e tauhisipí ki heʻene fanga sipí ke tataki kinautolu ʻi he matapaá ki he feituʻu lanu mata maʻuiʻuí.

ʻOku muimui ʻa e fanga sipí ʻi he tauhisipí koeʻuhí ʻoku nau ʻilo hono leʻó.

Ko Hono ʻUhingá

Naʻe pehē ʻe he Fakamoʻuí ʻoku fakafofongaʻi Ia ʻe he tauhisipí. ʻOku fakafofongaʻi ʻe he fanga sipí Hono kau muimuí, pea fakafofongaʻi ʻe he kaihaʻá ʻa e kakai ʻoku malanga fakafepaki kiate Iá.

Ngaahi Fehuʻi Maʻaú

Kapau ʻe tā atu ha sola ki ho telefoní, te ke tuku nai ke ne tohoakiʻi pe kākaaʻi koe?

ʻOkú ke ʻiloʻi nai ʻa e leʻo ʻo e Fakamoʻuí?

Te ke muimui nai ʻiate Ia ʻi Heʻene ui koé?