“Mi Save Stap Insaed long Ol Laen,” Blong Ol Yut Oli Kam Strong, Septemba 2023.
Mi Save Mekem Evri Samting tru long Kraes
Ol yut oli serem olsem wanem Kraes i mekem olgeta oli kam strong blong mekem ol had samting (luk long Filipae 4:13).
Mi Save Stap insaed long Ol Laen
Long fastaem we mi stat blong resis, hem i bin wan drim blong mi blong brekem skul rekod blong ron long 1.61 km. Be long en blong sisen mi bin resis 1.61km long faef minit, we mi brekem rekod ia long moa long 3 seken.
Long nekis dei, mifala i faenemaot se 1.61km we mi bin resis long hem ia oli no kaontem. Ol ofisol oli eksplenem se mi bin tekem 3 step ova long laen, we i mekem se oli no kwalifaem mi long resis ia. Koj blong mi i traem blong talem se mi bin kamaot from wan narawan we i ron i pusumaot mi. Be ofisol ia i talem, “Hem i no rong blong gel ia we i bin pusum mi, be hem i rong blong mi from we mi stap kolosap tumas long laen. Mi wokbaot i go mo filim se samting we mi bin winim oli bin karemaot long mi.
Nekis Sandei long Yang Woman klas, mifala i wajem wan vidio we oli komperem fasin blong stap long laen long ol spot wetem hemia blong obei olgeta komanmen.1 Truaot long lesen mi sidaon long ples ia, mi kros long rimaenda ia se mi no winim wan samting.
Long nekis dei mi resis raon long ol laen blong resis, mi lukluk godaon mo mi luksave se mi stap ron stret insaed long laen. Mo wanwan taem, bae mi mas go ova long laen olsem we ofisol i talem. Kwiktaem, m i stop blong resis, mo putum tingting i stap daon. Mi filim kamfot long wea ples mi stap resis long hem mekem se mi nomo luk ol denja.
Laki nomo se oli bin givim mi nambatu janis sam wik afta. Mi stap longwe long medel laen mo brekem skul rekod, long taem ia mi stap nomo long medel.
Eksperiens ia i mekem mi tingting long olsem wanem mi stap kolosap tumas long laen wetem sam long ol komanmen. From Jisas Kraes mo Atonmen blong Hem, oltaem oli givim janis blong mi sakem sin.
Taem we i kam long ol komanmen, yumi mas putum yumi stap longwe long laen mo traem bes blong stap insaed. Mi glad tumas se taem yumi mekem ol mistek, Sevya i letem yumi blong sakem sin mo traem bakegen.
Ruby H., Yuta, YSA