“?Wanem nao mi save mekem sapos mi no stap filim se mi gat ol eksperiens long saed blong spirit?” Blong Ol Yut Oli Kam Strong, Septemba 2023.
Ol Kwestin mo Ol Ansa
?Wanem nao mi save mekem sapos mi no stap filim se mi gat ol eksperiens long saed blong spirit?
Tingting hevi, Raetem, mo Luklukbak
“Long en blong dei, mi tekem taem blong tingting hevi mo raetemdaon long jenol blong mi abaot ol eksperiens long saed blong spirit we mi bin kasem long dei mo luklukbak long hem. Taem mi mekem hemia, mi filim pis. Hem i rimaenem mi blong lukaotem ol eksperiens long saed blong spirit evri dei.”
Kianna G. we i gat 16 yia, Zamboanga del Norte, Filipin
Askem God
“Gohed blong ridim ol skripja blong yu mo prea evri dei hem i wan wei blong soem long God yu wantem gat eksperiens long saed blong spirit. Sapos yu filim se yu nogat eksperiens long saed blong spirit askem God wetem tru hat, blong i helpem yu luksave. Hem i lavem yu mo bae Hem i ansarem ol prea blong yu taem yu lukaotem blong mekem pat blong yu.
Elijah C we i gat 15 yia, Yuta, YSA
Gat Fasin blong Save Wet Longtaem
Gat fasin blong save wet longtaem. Oltaem ol eksperiens blong yufala bae i no olsem blong ol narawan’.”
Isabella F we i gat 16 yia, São Paolo, Brasil
Laef Folem Gospel
“Bae yumi kasem eksperiens long saed blong spirit taem yumi ridim olgeta skripja, lisin long ol toktok blong profet, livim kaekae, prea, go long tempol, mo stap givim seves long ol narawan. Olgeta samting ia i helpem yumi kam moa kolosap long Kraes mo stap moa kolosap long ol woning blong Tabu Spirit we i givim pis i kam long yumi.”
Nellie R we i gat 16 yia, Hidalgo, Meksiko
Lisin gud wetem tingting blong yu.
“Oltaem yumi mas tingbaot blong lisin gud long ol woning blong Tabu Spirit. Yumi save kasem olgeta tru long ol smosmol samting. Nomata se oli smol be oli save gohed stap blong wan taem we i no save finis.”
Melissa A we i gat 14 yia, Paraíba, Brasil