“Letem I Go, mo Lisin” Blong Ol Yut Oli Kam Strong, Septemba 2023.
Letem I Go, mo Lisin
Mi gat wan plan blong winim ol drim blong mi. Be mi mas letem i go mo letem Lod i lidim rod blong mi, oli blesem mi long ol naesfala wei.
Ol pikja oli kam long Michael Mullan
Taem we mi jes gat 17 yia, Mi muv i go long San Fransiko Kalifonia, YSA, mo go long skul. Mi drim blong kam wan man blong dro blong Disney.
Long skul , mi lanem moa bitim droing. Wanem mi lanem hem i huia mi long Papa long Heven. Mi nomo stap long hom. Mama mo papa blong mi i nomo wekemap mi blong go long jos evri Sandei. I nogat wan i save se mi stap laef folem gospel o no. Be mi save se mi nidim Hem. Mi lukaotem Jos Ia blong Jisas Kraes blong Ol Lata-dei Sent i long fon buk. Taem we mi wokbaot i go insaed long Jos bilding mo harem “Mi Save Ridima I Laef”(STSP, pej 10) i plei mi filim se mi stap long hom. Mi kam blong luksave se gospel i minim wanem long mi mo wanem mi rili wantem.
Mekem Lod i Kam Namba Wan long Laef blong Yu
Long taem ia, mi wantem tumas blong putum Papa long Heven long evri samting mi mekem. Eksampol, mi stat blong askem Hem wanem Hem tingbaot plan blong wok blong mi mo wea ples mi mas stap long hem. Taem mi stap prea mo askem ol kwestin ia, mi stap blong filim se mi nid blong stap long wan defren ples.
Hat blong mi i bin brok. Mi bin putum evri drim blong mi mo luklukbak long ol plan blong mi . Mi ting se mi save wea ples mi mas go long hem mo wanem mi mas mekem. Be naoia, mi save se mi wantem Lod i namba wan long laef blong mi, mo hemia i minim moa long mi bitim eni samting. Iven mi save se rod we mi pikjarem bae i defren, long wanem mi wantem, mi bin filim lav blong Hem long mi, mo mi trastem waes blong Hem.
Mi go long Brigham Yang Yunivesiti—Aedaho mo Brigham Yang Yunivesiti long Provo Yuta blong finisim digri blong mi blong dro. Jes bifo mi graduet, mi bin kasem wan intensip long wan lokol gem studio. Afta long wan yia, afta we mi bin wok ful-taem, studio ia Disney i bin pem, we i karem i kam niufala janis mo blong gro.
Taem yu lego wanem yu ting se yu bin gat, bae Lod i blesem yu long raet taem wetem wanem we bae i mekem yu yu hapi. Yu yu neva save wea ples bae Lod i tekem yu go long hem. Letem I Go, mo Lisin.
Putum Ol Fas Samting I Kam Faswan
Long taem blong skul, mi traem blong mekem ol klas mo homwok mo ol Jos responsabiliti. Mi nid blong faenem aot wanem i nid blong i kam faswan. ?Mi nidim blong go mo givhan long olgeta, o mi nidim blong mi stadi from tes ia? ?Mi ridim skripja naoia, o mi nid blong mi finisim asaenmen ia?
Evri taem mi putum Lod faswan mo mekem wok Hem i askem mi blong mekem, ol samting i wok. Oltaem kipim ol promes blong Hem. Taem yu putum Lod faswan, bae evri samting i wokaot.
Afta we mi graduet long skul, mi bin fesem ol semmak joes. Mi bin wod Yang Woman Presiden long taem ia. Wan dei mi nidim blong jusum blong stadi from wan eksam mo helpem ol yang woman planem wan aktiviti. Mi bin go wetem hem ol yang woman. Wetem smol taem we mi bin gat, Mi bin prea mo stadi. Mi bin pasem eksam, mo wetem wan mak we i moa gud bitim wan mi bin wantem.
Letem Hem I Lidim Yu
Papa long Heven bae i helpem yu. Hem i lavem yu mo i save wea ples yu stap long hem. Hem i save wanem bae i blesem yu moa mo wetaem.
Long laef blong mi, ol samting i bin jenis smol. Be Hem oltaem i stap. Taem mi stap folem wanem Hem i wantem, ol samting i kam i naes. I no olsem we mi wantem, be i naes.
Hem i wantem pat blong laef blong yumi. Sapos nomo yumi letem Hem long laef blong yumi, i gat plante sapraes i stap long wanwan long yumi. ?Wanem bakegen Hem i gat blong yu we yu no iven save luk?