“Stap Jusum blong Givim Seves” Blong Ol Yut Oli Kam Strong, Septemba 2023.
Mi Save Mekem Evri Samting tru long Kraes
Ol yut oli serem olsem wanem Kraes i mekem olgeta oli kam strong blong mekem ol had samting (luk long Filipae 4:13).
Stap Jusum blong Givim Seves
Oltaem mi wantem blong givim seves long misin, be taem mi gat 18 yia, wol sik ia i stat. Mi filim se mi no rere blong givim seves, mekem mi statem kolej, mo mi bin kasem wan gudfala skolasip. Plante pipol i talem se mi no mas go long misin. Mi filim olsem se mi stap lusum strong tingting ia blong givim seves.
Be afta long jeneral konfrens Presiden M. Russell Ballard i talem: “Sapos yu stap yet long yia we yu save givim seves long wan misin, be yu no bin givim seves ia yet from wol sik ia o ol nara risen, mi stap invaetem yu blong givim seves naoia.”1 Taem we hem i talem toktok ia “naoia” mi filim olsem se hem i stap toktok long mi—se mi mas go givim seves long misin naoia. Stret long dei ia mi bin prea from mo kasem konfemesen se hem i taem blong mi givim seves long Lod.
Plante oli poenem fingga long mi abaot desisen we mi bin mekem. Oli kanselem skolasip blong mi. Be tingting blong mi i strong inaf se ol samting ia oli no impoten. Oli singaotem mi blong givim seves long Gwatemala Kuetsaltenango Misin. Hem i spesel from se papa mo mama blong mi i sil blong wan taem we i no save finis long Gwatemala.
Sapos yu yu stap tingting se sapos i nid blong yu go givim seves long wan misin, !hem i no let tumas yet! Oltaem trastem Papa long Heven mo Jisas Kraes. Olgeta bae oli lidim yumi wetem ol samting yumi no save tingting long hem.
Enoc M., Dominican Republic