Tijing folem Tijing

Naoia Kraes I Girap

Lanem wanem Aposol Pol i tijim abaot taem we Jisas Kraes i Girap Bakegen long Ded.

Jisas Kraes we i laef bakegen long ded.

Kraes we I Laef Bakegen long Ded, i kam long Wilson J. Ong

1 Korin 15:20–22

20 Kraes ya, God i mekem hem i laef bakegen finis. Long olgeta we oli ded finis, hem i faswan we i laef bakegen. Hem i olsem fas kakae ya we i rere long garen

21 Ded i wan samting we wan man nomo i tekem i kamtru long wol, mo long sem fasin, fasin we man i laef bakegen long ded.

22 Olgeta man we oli joen long Adam oli save ded, mo long sem fasin, olgeta man we oli joen long Kraes oli save laef bakegen long ded.

naoia Kraes i girap long ded

Hem i bin safa mo i bin ded long kros, oli bin berem Hem insaed long wan tumb, mo long nambatri dei, Hem i bin girap bakegen.

fas frut blong olgeta we i silip

Toktok blong Grik we oli yusum long ples ia blong fas frut i minim ol fas kakae blong yia. Hem i ol fas wan we oli rere blong karemaot—ol faswan blong plante moa we bae oli kam.

Toktok ia olgeta ia we i silip i minim “olgeta we oli ded finis.”

Jisas Kraes i faswan blong i laef bakegen, mo afta we Hem i laef bakegen, evri pipol bae oli laef bakegen.

tru long man ded i kam

Hemia oli stap tokbaot Adam. Foldaon blong hem i minim se evri pipol we oli kam long wol ia bae oli ded. (Luk long Moses 4–5.)

long Kraes oli save laef bakegen long ded

From Laef Bakegen long Ded blong Jisas Kraes, evri pipol bambae oli laef bakegen long ded. Hemia i minim se evriwan we oli laef o bae oli stap laef yet bae oli laef bakegen long ded. Ol spirit blong yumi bae oli joen wetem bodi blong yumi, mo bodi blong yumi bae oli stret gud evriwan mo bae oli nomo save ded. (Luk long Alma 11:44–45)