“Konek,” Blong Ol Yut Oli Kam Strong, Septemba 2023.
Konek
Sisekelo Q.
15, Saot Afrika
Foto i stap kam long Ntebaleng Twala
Oltaem mi stap prea from sakses blong famli blong mi mo olsem wanem oli stap laef. Be i gat sam samting we i no hapen olsem we mi wantem. Mi stat blong tingting se sapos God i stap harem ol prea blong mi. Taem we tingting blong no sua i kam bigwan, oltaem, mi nomo stap prea. Mi tingting se, “?From wanem bae mi prea sapos mi no filim wan samting?”
Be wan dei, mi kam blong luk save se mi stap gat tu tingting abaot Papa God. Oltaem Hem i Papa blong mi long Heven, bigfala sapot mo paoa blong mi. Mi stat blong krae. Taem mi go hom long dei ia, mi nildaon blong prea from mi filim se mi lus long saed blong spirit mo tingting.
Afta we mi prea, mi filim kamfot, pis, mo lav. Mi save se Hem i stap wetem mi. Mi save se Papa long Heven i luk ol traehad blong yumi mo i harem ol krae blong yumi. Stat long dei ia i go, mi andastanem se Hem i gat ol bigfala plan blong famli blong mi—plan we i nidim blong hapen long taem blong Hem mo blong mi save wet long taem.