“Ol Profet Oli Stap Folem Ol Profet,” Blong Ol Yut Oli Kam Strong, Septemba 2023.
Stap Rere from Jeneral Konfrens
Ol Profet Oli Stap Folem Ol Profet
Eniwan i save faenem ol blesing taem oli folem profet—iven ol Aposol.
Oli gohed blong askem yumi blong folem profet. Be sam bae oli stap tingting se from wanem voes blong profet i impotem blong folem.
Long Epril 2017 jeneral konfrens, Presiden Thomas S. Monson, profet long taem ia, i askem blong ol Jos memba blong stadi, no jes ridim, Buk blong Momon evri dei. Presiden Russell M. Nelson mo Presiden Henry B. Eyring tugeta i folem kaonsel blong profet mo tufala i tokbaot wanem i hapen.
Wan Aposol We I Stap Obei
Presiden Nelson i talem: “Mi traem blong folem kaonsel blong [Presiden Monson]. Wetem sam samting moa, mi bin mekem wan lis long wanem hem i Buk blong Momon, wanem hem i konfemem, wanem i sakemaot, wanem i mekem i kamtru, wanem i kam klia mo wanem i stap talemaotwe i bin haed. !Blong lukluk long Buk blong Momon tru long ol glas ia, i givim niu lukluk mo i givim insperesen!”1
Presiden Nelson i gohed blong eksplenem se hem i askem plante semmak kwestin mo faenemaot se plante laef blong olgeta i jenis taem oli folem kaonsel blong Presiden Monson. Lod i lidim yumi evri wan tru long ol profet blong yumi, ol skripja mo revelesen blong yumiwan.
Wan Aposol We I Stap Fetful
Presiden Eyring i talem: “Mi bin ridim Buk blong Momon evri dei blong ova 50 yia. So maet mi bin save tekem nomo se ol toktok blong Presiden Monson i blong wan narawan. Be yet, olsem plante long yufala, mi bin filim we Profet i leftemap tingting blong mi mo promes blong hem i invaetem mi blong traem moa had.”
Presiden Eyring i gohed blong talem: “Taem mi mekem folem kaonsel blong Presiden Monson, hemia i mekem tu samting long mi: Faswan, Spirit we hem i promesem i givim mi sam kaen hop long wanem i stap long fored, nomata we wol i stap muvmuv bigwan moa. Mo nambatu, Lod i bin givim long mi—mo yu—blong mi filim moa bigwan lav blong Hem long olgeta we oli stap long bigfala nid.”2
!Evriwan!
Evriwan i save mekem mo mas folem kaonsel blong profet tru long jeneral konfrens. Nomata wea ples yu stap long rod blong yu long saed blong spirit, yu save kam antap, sapos yu yu wan Aposol, wan niu konvet, o eni ples yu stap long hem. Hemia i no stopem nid blong yumi blong kasem revelesen blong yumiwan, hem i wan nara wei we God i save blesem yumi. Sapos ol Aposol i save faenem sam moa blesing long wei ia, yumi tu i save kasem.