“Taem wan we Yu Lavem i Traehad long Helt blong Tingting,” Blong Ol Yut Oli Kam Strong, Septemba 2023.
Laef Help
Taem wan we Yu Lavem i Traehad long Helt blong Tingting
Hemia i faef tingting we yu save putum long maen blong yu taem yu wantem blong helpem wan man we i stap harem nogud long wari o ol jalenj ol saed blong filing
Ol pikja droing i kam long Toby Newsome
I had blong wajem wan fren, wan famli memba i stap go tru long bigfala wari, o ol narafala helt long saed blong tingting. Maet bae yu wantem blong help be yu no save wanem blong mekem.
Hemia sam tingting yu save putum long maen blong yu blong olsem wanem yu save helpem wan we i stap traehad wetem helt long saed blong tingting blong olgeta.
1. Gohed blong go aot mo helpem man.
Sapos yu stap tingting long wan i gud blong help o stap long wei, stret ansa i helpem. Ol rilesensip we i kolosap i save helpem olgeta we i stap traehad long helt long saed blong tingting Storian wetem olgeta. Harem gud wetem olgeta. Lisin long olgeta
2. No givim advaes, givim nomo sapos oli askem
Sapos wan man i no askem help blong yu, no stat blong givim advaes long hem. Sapos nomo oli askem yu, lukluk nomo blong stap olsem wan fren blong hem, kea long hem.
3. Stap kaen. Gat stret tingting, mo gat sore.
Taem wan i askem help blong yu, folem eksampol blong Sevya. Prea long Papa long Heven blong kasem insperesen. Leftemap tingting Toktok long olgeta long wan fasin we i kaen. Talem ol gudfala samting. Soemaot fasin blong stap kaen mo gat sore. Letem olgeta i save se yu sapotem olgeta mo oltaem stap long saed blong olgeta. Leftemap tingting blong olgeta blong lukaotem profesonol help.
4. Save wet longtaem mo gohed
Pipol we oli stap traehad samtaem oli no wantem help blong yumi. Gat fasin blong save wet longtaem. Stap wetem olgeta. Stap olgetawan i no helti blong olgeta. No wari sapos oli no laekem wei we yu wantem.
5. Lukaotem gud yuwan tu.
Mekem sua yu faenem glad long laef blong yu.g laef. Gohed blong mekem prea blong yuwan mo skripja stadi. Go long tempol. Mekem ol samting yu laekem blong mekem. No letem taed o wari i tekem ples blong wan we yu lavem. Mekem fren wetem olgeta we ol defren long yu.