“Digitaka mo Veiqaravi” Me iSakisaki ni iTabagone, Sepi. 2023.
Au sa Rawata Na Ka Kecega e na Vuku i Karisito
E ra wasea na itabagone na sala esa vakaqaqacotaki ira kina na Karisito me ra vakayacora na veika dredre (raica na Filipai 4:13).
Digitaka mo Veiqaravi
Au a dau gadreva tu meu na lako i kaulotu, ia ena gauna au yacova kina na yabaki 18, sa tekivu na matedewa levu. Au a sega tu ni sa vakarau meu veiqaravi, au sa mani tekivu vuli ena koliji, ka‘u a ciqoma e dua na sikolasivi cecere. E vuqa na tamata era a vakatura meu kakua ni lako i kaulotu. Au a vakila mai ni sa seyavu tiko yani na noqu gagadre meu veiqaravi.
Ia ena koniferedi raraba a kaya kina o Peresitedi M Russell Ballard, “Kevaka o sa tiko ga ena yabaki ni veiqaravi vakadaukaulotu ia o sa bera ni veiqaravi ena vuku ni matedewa se so tale na vuna, au sureti kemuni moni veiqaravi ena gauna saraga oqo.”1 Ni cavuta na vosa “ena gauna saraga oqo,” au a vakila ni vaka ga me a vosa tiko vei au— ni dodonu meu lako i kaulotu ena gauna oqo. Me tekivu mai na siga oya au a masulaka ka ciqoma na veivakadeitaki ni sa kena gauna me‘u sa qarava kina na Turaga.
Au a ciqoma e vuqa sara na veivakadiloi me baleta na noqu vakatulewa. A yaco me bokoci na noqu sikolasivi. Ia na noqu gagadre meu sa na lako a kaukauwa tikoga ka sega kina ni dua na ka na veika oqori. Au a kacivi meu lako iveiqaravi ena Tabana ni Kaulotu na Guatemala Quetzaltenango. E a dua na ka talei baleta ni rau a vauci na noqu itubutubu me tawamudu mai Guatemala.
Kevaka o lomatarotarotaka tiko se dodonu mo lako i kaulotu, e sega na ka e vakabera! Dau vakararavi tikoga vua na Tamada Vakalomalagi kei Jisu Karisito. E Rau na dusimaki keda ka vakalougatataki keda ena veika eda sega tu ni tadra.
Enoc M., Dominican Republic