“Semati,” Me iSakisaki ni iTabagone, Sepi., 2023.
Semati
Sisekelo Q.
15, Sauca Aferika
iTaba mai vei Ntebaleng Twala
Au dau masulaka vakawasoma na qaqa kei na bula vinaka ni noqu matavuvale. Ia eso na ka e sa bera ni vaka na ka au a gadreva. Au sa tekivu vakataroga se sa rogoca tiko beka na Kalou na noqu masu. Ni sa levu cake na noqu veilecayaki, sa lailai sobu mai na noqu masu. Au vakasamataka, “Na cava meu masu kina niu sega ni vakila e dua na ka?”
Ia ena dua na siga, au sa qai vakila mai ni‘u sa vakatitiqataka tiko na Kalou. E sa dau Tamaqu tikoga vaka Lomalagi o Koya, na noqu dauveitokoni kei na kaukauwa levu duadua. Sa tekivu meu tagi. Niu yaco i vale ena siga oya, au a tekiduru me‘u masu baleta ni‘u vakila na noqu yali vakayalo kei na yali ni yaloqu.
Ni oti na masu, au a vakila na vakacegu, na bibivoro, kei na loloma. Au a vakila ni a tiko vata kei au o Koya. Au kila ni Tamada Vakalomalagi e kila na dredre eda sotava ka rogoca na noda tagi. Mai na siga o ya, au sa kila kina ni tu Vua na ituvatuva lelevu me baleta na noqu matavuvale—na ituvatuva ka gadrevi kina na Nona gauna kei na noqu vosota.