“Sa Tucake Tale o Karisito,” Me iSakisaki ni iTabagone, Sepi. 2023.
Vosa e na Vosa
Sa Tucake Tale o Karisito
Vulica na veika a vakatavulica na iApositolo o Paula me baleta na Tucaketale i Jisu Karisito.
Na Karisito sa Tucaketale, mai vei Wilson J. Ong
sa tucake tale mai oqo na mate na Karisito
A mate ena kauveilatai o Jisu Karisito, a vakotori ena dua na ibulubulu, ka tucake mai na mate ena ikatolu ni siga.
kedra isevu era sa moce tu
Na vosa va-Kiriki e vakayagataki eke me baleta na kedra isevu e kena ibalebale na imatai ni vuata ena dua na yabaki. Oqo na imatai me tamusuki—na imatai mai na vuqa tale ka na yaco mai.
Na malanivosa vei ira na moce e kena ibalebale “o ira era sa mate.”
A isevu ni tucaketale o Jisu Karisito, ni oti na Nona Tucaketale, era na tucaketale na tamata kecega.
sa yaco na mate ena vuku ni tamata
Oqo e tukuna tiko me baleti Atama. Na nona lutu e kena ibalebale ni o ira taucoko era na lako mai ki vuravura era na mate. (Raica na Mosese 4:3)
ena vakabulai kece na tamata ena vukui Karisito
Me vaka ni a tucake tale o Jisu Karisito, eda na tucake kece tale na tamata. Sa kena ibalebale ni o ira kece era sa bula oti se era na qai mai bula era na tucaketale. Ena duavata tale na yaloda kei na yagoda, ka na vakataucokotaki na yagoda ka tawamate rawa tale. (Raica na Alama 11:43–45