“Na cava na vuna e gadrevi kina meda veipapitaisotaki ena vukudra na tubuda era sa mate?,” Me iSakisaki ni iTabagone, Sepi. 2023.
Ki na Kena Usutu
Na cava na vuna meda vakayacora kina na papitaiso me baleti ira na tubuda era sa mate?
A vakatavulica o Jisu Karisito ni dodonu me ra papitaiso na tamata kecega me ra curu ki na matanitu ni Kalou ni oti na bula oqo (raica na Joni 3:5). Ia e vuqa na tamata era sega ni rawata na madigi oya.
Sa vakaraitaka mai na Kalou ni o ira era sa takali yani era sega ni papitaiso e rawa ni vunautaki vei ira na kosipeli i Jisu Karisito ena vuravura ni yalo (raica na 1 Pita 3:18–19; Vunau kei na Veiyalayalati 138:30–33). Sa vakatakila talega o Koya nio ira na bula tiko e rawa ni ra papitaiso ena vukudra na tamata oqo (raica na 1 Korinica 15:29; Vunau kei na Veiyalayalati 124; 128). Na veipapitaisotaki oqo mena vakayacori e vuravura.
E rawa ni da vakasaqara na kedra ivolatukutuku na tubuda era sa takali yani ka papitaiso ena vukudra ena valetabu. Oqo e solia vei ira na madigi mera ciqoma na papitaiso, ka ganita na matanitu vakasilesitieli.
E kaya o Elder D. Todd Christofferson: “Na noda sasaga ena vukudra na sa mate sa ivakadinadina matata nio Jisu Karisito na Dauveivueti vakalou ni kawatamata kecega. Na Nona loloma soliwale kei na yalayala ena yacovi ira sara mada ga era a sega ni kunei Koya ena bula oqo” (Okot. 2000 koniferedi raraba [Ensign, Nove. 2000, 11]).