Kepaakeļo̧k n̄an Kajoor eo An

Ilo bok in Gospel Mark, jej riiti kōn juon kōrā eo im enan̄inmej ium̧win 12 iiō ko.Juon armij eaar ba n̄an E kōn Jisōs.Innem, ke Eaar itok n̄an ijo jikin kōrā in, kōrā in eaar jijet itererein iaļ eo, im kōttar.Ke Ej eļļāḷọk jen e, kōrā eo eaar lem̧aanļo̧k pein n̄an an jibwe jidikin nuknuk eo An.

Kōrā in eaar mour jen an nan̄inmij.Bōtaab ejjab E wōt eaar loe menin bwilōn̄ in; bar Jisōs.“Im Jisōs, eaar jela iien eo emōkajtata ke turiamo eaar jen ippen, eaar oktakḷọk, im ba, Wōn eaar jibwe nuknuk e aō?”(Mark 5:30).Tūriamo emaron̄ bar melelein kajoor.Jisōs eaar jeḷā iien eo emōkajtata ke juon em̧ōj an bōk kajoor jen E.Men eo Eaar ḷōmṇake e ej n̄an pukōt kōrā eo, bwe en kōnnan ippen, im n̄an kakeememej e kōn kajoor in tōmak.Eaar kūr e “nejū kōrā.”Kōn E, kōrā eo eaar mour.

Iaar ekkatak ke jar n̄an bōk kajoor ej nej baj uwaak wōt.Eḷan̄n̄e jenaj kepaakḷọk E, Enaaj “kepaak e tok kōj” (lale Hymns, no. 129).Kajjojo iaan jeje ko ilo māākjiinn eo an allōn̄ in rej kakeememej kōj kōn mool eo.

Ilo N̄an Kōkajoorļo̧k Jodikdik Ro: Juon unin tōl eo n̄an Kōm̧m̧an Kālet, ko Būreejtōnji eo Kein Kajuon ej katakin “Rilomo̧o̧r … ej ‘kajoor eo an jodikdik ro’” ([2022], 2).Bōlen komaron̄ kajjitōk ewi wāween bwe in bōk kajoor in.Ej aō kōjatdikdik bwe kom naj loe jejjo naan ko ilo peij kein im renaj jipan̄ kwe nan kepaaklok E.

Kappukoti peij kein.Pukōt naan ko kōn kōjatdikdik, kappukot juon ioon kōn kajoor, jei naan in kōketak ko im raar kadeel būruom̧.Kōn Jisōs Kraist, enaaj kōm̧m̧an bwe kwon mour.

Kōn juon iakwe elap,

Emily Belle Freeman

Būreejitōn eo Eutiej an Doulul eo an Jiron̄ ro