“Kwe im Rilomoor eo ņae. Laḷin,” N̄an Kōkajoorļo̧k Jodikdik Ro, M̧aaj. 2024.
Kajoor eo n̄an Eḷḷā jen Laḷin
Kwe im Rilomoor eo ņae Laḷin
Kapan̄ban̄ ko, Kapo ko, jorrān ko—Jisōs Kraist emōj an anjo̧ jen wijwaan ko an laḷin im emaron̄ kōkajoorḷọk eok bwe kwon bareinwōt anjo̧.
Kōmeļeļe jen Alex Nabaum
Jisōs Kraist ej anjo̧ jen laḷin, im Ej karuwaineneik kōj n̄an kōm̧m̧an ejja wāween wōt.Ak taej “laḷin,” im ta meḷeḷein n̄an kōj bwe jen anjo̧ jene?
Būreejtōn Russell M. Nelson likuti ilo wāween in: “[Eḷḷāḷọk jen Laḷin] meḷeḷein anjo̧ jen kapo ko im rej keak kōn men ko an laḷin jen men ko an Anij.”1
“Men ko an lalin” emaron̄ koba men ko mweied, bun̄bun̄, kajoor, nebar, m̧ōṇōṇō, ak men ko im kanniek ej m̧ōṇōṇō kaki im rej mōttan mour in.Men̄e jet iaan men kein remaron̄ jab nana, elan̄n̄e jenaj meḷọkḷọk ad Anij konke jej keak elapḷọk kōn men ko an mour in, enaj ḷap-ad lukkun jorrān.
Jisōs Kraist eaar katakin bwe jenaj iooni men ko renana im jorrān ko ilo ad anjo̧ jen men ko an lalin (lale John 15:18–21).Bōtaab jemaron̄ loe wōt aenōman im “kom en lanlōn” kōnke emōj An ella jen lalin mokta(John 16:33).
Jodikdik rein raar loe kajoor ilo Jisōs Kraist n̄an anjo̧ jen kapan̄ban̄ ko an laḷin, im kobar maron̄!
Kapan̄ban̄ ko an Laḷin
Ij joḷọk eḷap iien ko n̄an ikkure ilo computer aolep raan ilowan elōn̄ iiō ko.Eaar wōr mōtta, im iaar en̄jake aō aorōk.Bōtaab ālikin aō ikkure, iaar en̄jake an ejjeḷọk kobba, einwōt juon men eaar ejako.Ikar jab lukkun m̧ōņōņō.
Ikōnan lukkun leḷọk aō nan men ko renaaj kam̧ōṇōṇō na im enaj jipan̄ n̄an eddōkḷọk.Eaar jino makūjkūj Aō jar.N̄e ij kwaḷọk ta eo ij en̄jake n̄an Jema Ilan, ij en̄jake juon iakwe ekajoor.
Ikar kōṇan kōm̧m̧an men ro rem̧m̧an im renaj kepakḷọk n̄a n̄an Kraist, im ij lelok ao n̄an men ro repidodo einowt ekkatak jeje ko rekwojarjar im jar kajojo raan, joḷọk iien ko aō ippen ro ewōr ipper Jetōb, im kajjeon̄ jab bo ilo men ko renaj kōm̧m̧an bwe Jetōb Kwojarjar en ilok.Mour e ao eaar oktak.Eḷap an kam̧ōṇōṇōik n̄a.
N̄e ij epaakeḷọk Kraist, ijeḷā ke elōnḷọk men ko raorōk im reḷapḷọk jen ikkure ilo computer eo eḷan̄n̄e Inaj lukkun kōṇaṇ m̧ōṇōṇō.Elōn̄ men ko rej n̄an indeeo.
Alina U., 18, Lithuania
Jōkjōk ko an Laḷin
Ilo jikuul, raar kajirere im kamijak N̄a kōn tōmak eo aō.Kōn men eo im apan̄ ko jet, iaar en̄jake einwōt ke laḷin ej iuunlaḷḷọk n̄a.Bōtaab lellap eo jinō eaar kōketak n̄a bwe in pedped wōt ioon Pinmuur eo an Jisōs Kraist kōnke E emeḷeḷe metak ko aō im emaron̄ bōktok m̧ōṇōṇō im aenom̧an n̄an n̄a (lale Katak im Bujen Ko 19:23).
Iaar kālet im kallimur n̄an Jema Ilan̄ ke Inaj jitḷọk aolep iien.Iaar kajjitōk ippen bwe en jipan̄ n̄an kon mōjṇo im apan̄ ko aō, im Eaar kōm̧m̧an menin jen iien eo.
Jitlọk eaar kepaetok n̄a n̄an Jema Ilan̄ im Jisōs Kraist.Ijeḷā ke Rej ped ippa iien otemjej, letok n̄an n̄a kajoor bwe in anjo̧ ioon apan̄ im loe m̧ōṇōṇō eo em̧ool.Jisōs Kraist ej kamoik kinej ko aō im ej jipan̄ n̄a roolḷọk n̄an Jema Ilan̄.
Vera R., 17, Brasília, Brazil