“Menin Bwilon ko jej Aikuji Kajojo Raan,” N̄an Kōkajoorļo̧k Jodikdik Ro, M̧aaj. 2024.
Kajoor eo n̄an Eḷḷāioon Jewawiwi
Menin Bwilon ko jej Aikuji Kajojo Raan
Eḷan̄n̄e Anij ej iakwe kōj, etke jej aikuj bwe jen okta im ukweḷọk?Errein ej jet iaan m̧ool ko kōn jerawiwi im kōn pinmuur eo an Jisōs Kraist.
Kōmeļeļe jen Adam Howling
Eḷan̄n̄e konkar kam̧ool kōn menin bwilōn̄ ko Jisōs Kraist eaar kōm̧m̧ani ilo tōre eo ear ped ilo mour in?Lale An kōmour rinaninmij im kōmour rimij?Men̄e jejjab maron̄ rọọllikḷọk im loe menin kabūlōn̄lōn̄ kein, ewōr juon iaan mein bwilōn̄ ko Jisōs Kraist eaar kōm̧m̧ani jej loe raan kein.Im ej men eo aorōktata iaan aolep: Eaar eḷḷāioon jerawiwi.
M̧ool eo kōn Jerawiwi
Jet remaron̄ ḷōmṇak etke eḷap an aorōk menin.Ālkin men otemjej, men̄e jej kōm̧m̧an bōd ijin im ijeṇ, Anij ej iakwe kōj, ejimwe ke?Ekwe, aet, ekoba Jemed Ilan̄ im Jisōs Kraist eḷap aer lukkun iakwe kōj.Kōnke eḷap aer lukkun iakwe kōj, elōn men ko reḷapḷọk ilo bwebwenato in.
Ke Eaar loḷọk riNipai ro, Rilomọọr eo eaar katakin kōj kōn etke aorōk bwe jen eḷḷā jen jerawiwi: “Ejjeḷọk libwijinjin enaj deḷọneḷọk aelōn̄ eo an [Anij] ” (3 Nipai 27:19).
Eaar jab ba“ejjeḷọk libwijinjin bōtaak jet bōd dikdik.”Eaar katakin bwe jabdewōt jerawiwi (rejjab bokake kakien ko an Anij) enaaj dāpij kōj jen ad bar mour Ippen.
Menin ej juon jorrān.Jejjab maron̄ lukkun ḷoor kakien ko an Anij kiō.Menin ej m̧ool n̄an aolep armij—rikanan eo ewānōk, rijerawiwi eo ejerawiwi, im bar ro jet.Kōnke jejjab maron̄ jerḷọk jerawiwi ko ad make, jerawiwi enaj dāpij kōj jen ad deḷọn̄e aelōn̄ eo an Anij.
Meinin bwilōn̄ eo kōn Pinmuur eo an Kraist
Eḷaptata, Jemed Ilan̄ im Jisōs Kraist rejeḷā ke jej aikuj jipan̄.Ilo Jikin Kallūb Kejemene im ilo depāāl eo Jisōs Kraist eaar bōk Ioon aolep metak ko, nan̄inmej ko, kaen̄tanaan ko, m̧ōjṇo ko, im jerawiwi ko (lale Alma 7:11–13).Kōnke E eaar eo Nejin Anij eo ejim̧we im eaar nejin Mary ilo kanniek, E eaar maron̄ kōḷḷā wōṇaṇ jerawiwi im ejjeḷọk juon emaron̄ kar kōḷḷā.
Unin an kar maron̄ ba menin n̄an riNipai ro, “Kōn menin ejjelok ej delon̄ ilo [An] kakkije ijellọkun wōt ro raar kwaḷ ballier ilo bōtōktōkkū, kōn tōmak eo aer, im ukweḷọk jān aolep aer jerawiwiw, im aer tiljek n̄an jem̧ḷọkin ” (3 Nipai 27:19).
Eaar juon menin kabwilōn̄lōn̄ kōnke Jisōs Kraist, jemaron̄ erreo jān ad jerawiwi!N̄e jenaaj kūle ke kōn pinmuur eo an Rilomọọr eo ej menin aikuj n̄an kōj, jemaron̄ pedped ioon kajoor eo An ilo ad tōmak ilo E, ukweḷọk jān ad jerawiwi, im wōnm̧anḷọk wōt im ḷoor E ilo tōmak n̄an jemḷọkin.Ej juon menin kabwilōn̄lōn̄ ej waḷọk aolep raan ilo ad lōke kajoor eo An im jerbal ilo tōmak!