Kajoor ilo Iien Inepata ko

Ij Inepata!Ta kiō?

Jen Eric D. Snider

Māākijiin ko an Kabun̄ in

Errein ej jet iaan jipan̄ n̄an am deḷọn̄e kajoor eo an Rilomoor n̄an joḷọk-inepata.

juon jironn̄ ej en̄jake an inepata

Kōmeļeļe ko jen Uran Duo

Inepata.Mijak.Keṇaak.En̄jake.Jorrān.Inepata.

Jabdewō t men eo koba, ej mō ttan mour in jen iien eo Adam im Eve raar diwōjḷọk jen Jikin Kallūb eo.Ejjeḷọk jōkjōk n̄an “jab-inepata.”Ilo m̧ool, mour rōt in enaj kakure wūn eo!(Lale 2 Nipai 2:11–12.)

Kōnke jejjab maron̄ lukkun joḷọk inepata, jen leḷọk ad n̄an lale ewi waween ad jelm̧ae.Eiton aolepen pepa in jipan̄ ko ikijen inepata remaron̄ jebelḷọk ilo ruo mōttan:

1. Men ko komaron̄ kōm̧akūtkūti.

2. Men ko kojjab maron̄.

1. Men ko komaron̄ kōm̧akūtkūti

Elōn̄ iiō ko, elōn̄ armij ro jen tōmak ko jet rej bōk aenōm̧an ilo aer ba ta eo im jejela kake “Jar in Kaenōm̧an”: “Anij, ej letok n̄an n̄a aenōm̧an n̄an bōk men ko ijjab maron ukōti, kōketak n̄an men ko Imaron̄ ukōti, im jeḷāḷọkijen n̄an jeḷā ta oktak eo.”¹

Rikanan Joseph Smith eaar leḷọk ejja ennan in n̄an Rikwojarjar ro ilo aer jelm̧ae kapan̄ban̄ ko: “Kōn menin, ro jeiū im jatū ij iakwe er, jen m̧ōṇōṇō in kōm̧m̧an jabdewōt men ilo kajoor eo ad; im jen jutak wōt, ilo juon jipan̄ elap, n̄an loe lomoren an Anij, im n̄an pein bwe en kwaḷọk” (Katak in Bujen ko 123:17; bar kakobaba).

Ilo bar jet ennan: Kōm̧m̧an jabdewōt men komaron̄, im kōtḷọk bwe Anij en bōk jen ijen.Lōmṇak wōt kōn ta eo komaron kōm̧m̧ane, einwōt:

likao eo ewōr an kōttōbar ko im̧aan

Kalet ko am̧ make

Kōn Pinmuur eo an Jisōs Kraist, jaar “anemkwōj indeeo, jeḷā kōn em̧m̧an im nana; n̄an kōm̧m̧an n̄an [er make] im jab kipel er n̄an kōm̧m̧an” (2 Nipai 2:26).Jej aikuj “m̧ōṇōṇō [bwe ej, konan] kobaḷọk” ilo kōm̧m̧ani men ko rem̧m̧an (Katak Kōn Bujen Ko 58:27).

jilu mej ko rej waḷọk im oktak mwilier

M̧wilūm̧

Rijeje poet eo jen Amedka Maya Angelou eear jei, “Ta eo kwoj aikuj kōm̧m̧ane eḷan̄n̄e kojjab kōṇaṇ juon men ej oktak.Ṇe kojjab maron̄ ukōte, ukōte jōkjōk in am̧ ḷōmṇak kake.”²Pukōt men ko rem̧m̧an ippen armij im men ko jet.Ukōt jerbal ko n̄an ikkure ko.Babu bajjōk im jab m̧ōṇōṇō kōn am lukkun dike juon men eban kōm̧m̧an an em̧m̧anḷọk.

likao eo elur kōḷmenḷọkijen eo an

Am̧ uwaak n̄an men ko kojjab maron kōm̧akūti

Kojjab maron̄ bōbrae jorrān in mejatoto, bōtaab komaron̄ leḷọk iien, jāān, ak jerbal n̄an jipan̄ ro rej jelet er.Kojjab maron̄ kōbōjrak ro mōttam bwe ren jab etal jen kabun̄ in, bōtaab komaron̄ wōnm̧anḷọk wōt im iakwe er im kwaḷọk waanjon̄ak ko rem̧m̧an.Jejjab maron̄ kōbōjrak an armij ba men ko renana n̄an kwe, bōtaab komaron̄ kalet ewi wāween am̧ en̄jake kaki.

Im ilo aolepen men kein, kemijmij juon men komaron̄ kōm̧m̧ane: jar.Kajjitōk ippen Anij kōn men ko kojjab maron̄ kōm̧m̧ani—nan ukōt men ko kojjab maron̄ ukōti.Jekdọọn ta enaj waḷọk, Rilomọọr eo emaron̄ jipan̄ kwe n̄an aenōm̧an.

2. Men ko kojjab maron̄ ukōti

Men eo epidodo tata n̄an kwaḷọk kake in kōnke jōkjōkin epidodo:

Ne kojjab maron̄ ukōte, jab inepata kake.

Ak, kōjerbal tōmak ilo Jisōs Kraist im pedped wōt ioon men eo komaron̄ ukōte.Kajjeon̄ jab kōm̧m̧an bwe inepata enjab ped ippam̧.

Epidodo ba im kōm̧m̧ane, aet.(Iakwe bwe enkar wōr “inepata” switch eo im komaron̄ kar kōjoe im kune?)

Bōtaab bōk jorrān ko im kojjab maron̄i ej bun̄tōn eo jinoun tata bwe enjab kōm̧m̧an am̧ inepata.Innem kwoj likūt am̧ tōmak ilo Jisōs Kraist.

Men ko jejjab maron̄ ukōti aolep iien rej wōtlọk ikōtaan ruo men ko:

mweo ilo iien ekōtoto

Ekkā an waḷọk

Kole, m̧ōrā, jorrān ko jet.Itoitak in nan̄inmij.Kojjab maron̄ ilo ānbwinin im ejmour.Jōkjōkin ad mour emaron̄ bo jen men kein, im bun̄tōn kein ekkā aer waḷọk im jemaron̄ buki n̄an kōpopo n̄an i ak kadikḷọk aer kōjorran kōj.Bōtaab jejjab maron̄ ukōti kajojo raan.

jiron im likao tum̧aanin juon baun kileplep

Kālet ko an ro jet

Ewi jōkjōkin armij ilo online.Mene ro mōttam rej ped ilo Kabun̄ ak jaab.Ta ko armij rej ba kōn kwe.Kālet ke rej kōm̧m̧an jen kien ak jikin ekajet ko.Ta eo ej waḷọk ilo TV.Jet wōṇāān men kaṇ.Komaron̄ kwaḷọk am̧ en̄jake, bōtaab ilo m̧ool, aolep kalet rej kōm̧m̧an jen kajojo armij ejjab jen kwe im koban ukōti.

Ne kwoj en̄jake am̧ inepata:

1. Kwaḷọk ta eo.

2. Ḷōmṇak emaron̄ ke juon men komaron̄ ukōte.

3. Im eḷan̄n̄e, jerbale n̄an ukōti.Im eḷan̄n̄e ejjab, kōtḷọke.

4. Im jabdewōt men kwoj kōm̧m̧ane, kemijmij im jar.

juon jiron̄ ej kwaḷọk an jab lōke

Bar ruo men ko kojjab maron̄ ukōti (innem jab kajjeon̄ inepata kaki):

Inne.Ta eo em̧ōj an bōk jikin em̧ōj.Kojjab maron̄ ukōte, komaron̄ wōt katak jene.

Iliju im jekḷaj.Komaron̄ karōk im kōpopo im jar.Komaron̄ komman kalet ko kiō im renaaj tōlḷọk n̄an men ko rem̧m̧an iliju im jeklaj—ta eo Nipai ej ba mour “ilo juon wāween elem̧ōṇōṇō” (2 Nipai 5:27).Bōtaab kojjab maron̄ ukōti ak im kajjeon̄ kajidedeik (ta ejenoḷọk jen revelation ko raorōk jen kajojo) ta eo enaaj waḷọk.Innem jab ḷōmṇak kake.Ḷōmṇak kōn men ko an rainin, im jab kōn men ko an iliju kojjab jeḷā kaki (lale 3 Nipai 13:33–34).

Kakeemejmej: Ennan kein rej kōn men ko, rej kainepataik kōj kajojo raan.Komaron̄ aikuj bar jipan̄ eḷan̄n̄e kwoj ioon inepata ko im reḷḷap ak rōkkijon̄.Kōnono ippen juon ritto eo kwoj lōke.Loḷọk mentalhealth.ChurchofJesusChrist.org n̄an meḷeḷe ko jet.

Kakeememej ko

1. Rej itok jen juon jar jen Reinhold Niebuhr.Lale The Essential Reinhold Niebuhr: Kālet Ennan im Kōnono (1987), 251.

2. Maya Angelou, Ejjab Maron̄ Bōk Jabdewōt n̄an Journal Eo An Kiō (1993), 87.