“Deḷọn̄e Kajoor Eo An,” N̄an Kōkajoorļo̧k Jodikdik Ro, M̧aaj. 2024.
Kajoor Iien Otemjej
Deḷọn̄e Kajoor eo An—Kio im N̄an Indeeo
Kwoj wānōk n̄an kajoor im jipan̄ eo an Jisōs Kraist.
Kōmeļeļe ko jen Alex Nabaum
Kōmḷenḷọkijen kōn am ilọk ibuḷōn wōjke im kwoj loe juon likao ekalbuj im aolepen ijo ej ped ie eboḷ kōn aḷaḷ lōklōk.Juon iaan aḷaḷ ko eddo n̄an an kotake make.
Kwoj ke jipan̄?Ak kwoj m̧okta jijet im kolmenḷọkijen ej ke aikuji jipan̄ ṇe am̧?
Aet kwon jipan̄!Jōkjōk eo nan̄ dāpij am̧ jipan̄ m̧ae iien eo juon likao ej bōk an maron ej juon men ekōjak am̧ ron̄.Im aet jej ḷōmṇak eindein kōn kōj make—ak, ilo jōkjōk rot in, kōj jej ajri ilo m̧ool.
Jelukkun Aorōk N̄an Kōjbarok
Jekdroon iōō eo am̧, kwōj juōn ajiri keidi n̄an Jemāduij Ilan̄ im Jisōs Kraist.(Kwe, ilo m̧ool, juōn ajiri ippen Jemādoj Ilan̄.)Im am kajoor—ānbwin, en̄jake, jetōb, ak kōḷmenḷọkijen—eban keidi n̄an Er.Aoleped im ḷap ad meḷeḷe kin katak in.Bōtaab ilo iien ad wōtlak kin jabdeot un ko, kij aolep emakijkij ad en̄jaake ad jab maron̄ kappukōt jipan̄ m̧ae ien jej make bōke.Menin ejab m̧ool.
Būrejitōn Dieter F. Uchtdorf, iien eo–Rikakapilōklōk eo kein Karuo ilo Būrejitōnji eo kein Kajuōn, kar kōnono kin pārōbōḷ eo kin Sip eo ejābwābwe ilo Luke 15.
“Sip eo ej aikuj ke jeļā wāween an kōjerbal kein kapen ko n̄an kōjebwebweik iaļ eo an?” ekar kajitōk.“Ej ke aikuj n̄an kōjerbal GPS n̄an kwaļo̧k ia eo epād ie?Ej ke aikuj bwe en wōr ippān kapeel n̄an ejaak app bwe en maron̄ call n̄an jipan̄? Sip eo ej ke aikuj mālim jen jibanjōr m̧okta jen an Rilale Sip eo itok n̄an an jipan̄?
“Jaab.Lukkun jab!Sip in eaorōk n̄an lo̧mo̧o̧ren kōnke eaorōk im ejitenbōro ippān Rilale Sip eo.
“N̄an n̄a, pārōbōḷ eo kin Sip eo ejebābwe ej juōn iaan katak ko kōjatdikdik ilo naan ko an.”1
Kajojo iaad jej maron̄ erom jebābwe kin elōn̄ un ko reoktak.Im n̄an kajojo iaad, jipan̄ eo eaurōk maron̄ dedeḷak an kapukōt kōj.
Jipan̄ Ej Pojak Aolep Iien
Jipan̄ ej pojak n̄an kij ejab ilo ien wōt ad jerawiwi, bōtaab ilo ien jej kajeon̄ jon̄an ad maron̄ ilo mour in.Elder David A. Bednar ilo Doulul eo an Jon̄oul Ruo Rijilōk ro eaar katakin:
“Ij kōḷmenḷọkijen eḷan̄n̄e jenaj likjab jen ad lukkun kwaḷọk kōn mool eo an Pinmuur eo ilo mour ko ad im bōd ilo ḷōmṇak bwe jen make bōk iood eddo kein ad make—ilo kūle, kajoor, im bokake im ad kajjeon̄ jon̄an maron̄.
“Ej juon men eo im jej aikuj jeḷā bwe Jisōs Kraist eaar itok n̄an laḷin bwe en mij kōn kōj.Bōtaab jej aikuj bar kam̧olol Irooj bwe eaar kōṇaṇ, ilo Pinmuur eo an im jen kajoor eo an Jetōb Kwojarjar, nan lelōn̄tak koj—ejjab n̄an tōl wōt ak bar n̄an kōkajoor im kōmour.”2
Kwoj wānōk n̄an jipan̄ eo An!Jekdoon iaḷ ta eo kwar etetal ie kiō, Jisōs Kraist ej ped wōt ijen n̄an an etetal ippam ilo iaḷ ṇe tōk juon am̧.