Kajoor eo n̄an Eḷḷāioon Jewawiwi

Oktak Ko Rem̧m̧an im Tiriamo an Kraist Emaron̄ Kōm̧m̧ani

Jen Bradley R. Wilcox

Rikapilōklōk eo Kein Kajuon ilo Bureijtōnji eo an Doulul eo an Likaō Ro

N̄e jej meḷeḷe ke tiriamo eo an Rilomo̧o̧r eo ejjab eddōk im aōlep iien ej ped ijeṇ, menin ko ream̧m̧an renaj waḷọk n̄an mour kein ad.

Kōmeļeļe jen Jarom Vogln

Ke iaar jerbal einwōt juon bisop, ekar menin kabūlōn̄lōn̄ ilo aō loe an jodikdik ro en̄jake ālkin aer kar kōnono ippa im kwaḷọk aer jerawiwi.Einwōt, ijjab kūle ak ilo loe juon jon̄ak ej bōk jikin: jodikdik ro rej kwaḷọk aer bōd, em̧m̧an aer en̄jake, innem—kōjekdoon aer kajjeon̄ maron̄—bar kōm̧m̧an bōd.Innem rej kwaḷọk aer bōd, em̧m̧an aer en̄jake, im bar kōm̧m̧an bōd.Ālkin jilu ak emen kattōn aer kōm̧m̧ane jōkjōk in, rej bojrak aer kōm̧m̧ane.

Iaar m̧ōṇōṇō ke jodikdik rein rej ḷōmṇak kon Jisōs Kraist, kōn pinmuur eo An, leḷọk n̄an er kalet bwe ren ukweḷọk im bar jinoe jen jinoun.Bōtab, ij inepata kōnke bōlen ejabwe jela eo aer kōn bar kōjeram̧m̧an ko jet Rilomọọr eo ej letok: An tiriam—an letok kajoor¹, an jipan̄, im “kabit kōn kajoor eo im jej eddōkḷọk jen jorrān im jej einwōt armij ro ejabwe ipper nan̄ ro ejjeḷọk jemḷọkier.”²

Ij kūle n̄an katakin ilo melele, einwōt Būrejitōn President Russell M. Nelson eaar katakin, bwe “ukweḷọk … ej juon jerbal aetok kitien”³ im ebōk iien n̄an bar jerbal e.⁴Ij kōṇaṇ bwe membōr ro ilo ward eo aō ren jeḷā Anij ej ioon kōj ijo jej kōṇaṇ im ej letok tiriamo n̄an jipan̄ kōj ilo aolepen iien kein jej kajjeon̄, jekdoon ewi aetokin.

Ewi Am̧ Jeḷā Ke Tiriamo ej Jipan̄ Kwe

Jet iiō remotḷọk, juon ekkatak eo eaar ped 600 jodikdik ro ilo Brigham Young University raar kwaḷọk bwe ro im rejeḷā im meḷeḷe kōn tiriamo eaar dik aer illulu, inepata, jook, im eaar pidodo jerbal ipper.⁵Juon jerbar in etale eaar bōk jikin im eaar kwaḷọk bwe tōmak ilo tiriamo eaar lap koṇan ilo an lōn̄ ro rej m̧ōṇōṇō, jeḷā aorōk ier, melele kōn mour in, m̧ōṇōṇō kōn mour in, im wōr kōjatdikdik.⁶

Ilo bar jet ennan, armij ro ear dik aer jook im eaar ḷapḷọk aer jeḷā kōn er ilo aer meḷeḷe kōn tiriamo ej ped ijen im kiiō—ejjab alkin bōke ak lewaj e.N̄e jej jeḷā ke Anij ej jipan̄ koj jekdoon ta eo jaar kōm̧m̧an e ak jet kattōn ad en̄jake bwe jaar kōjekdoon E, jej en̄jake n̄an wōnm̧anḷọk wōt im kajjeon̄.⁷

“Emōj Aō Kar Kainepataik Jema Ilan̄”

Jet iien remotḷọk juon mijinere eaar jorrān jen an ikkure ilo raan im kōpopo eo im kar kōrole n̄an ijo jikin bwe en kamomo.Eaar wōr an kōttobar eḷḷap n̄an bōk jipan̄ ko ej aikuji im bar rọọl n̄an mijen eo an.Bōtaab, eaar ḷap an joḷọk iien ko im eaar kōm̧m̧an bwe ejjab etto en bar rọọl n̄an jorrān ko m̧oktaḷọk.

Eaar leḷọk an n̄an jerawiwi im eaar ḷōmṇak eaar ukweḷọk jene im meḷọkḷọk e m̧okta jen mijen eo an.Eaar lukkun illu im inepata kōn an jab maron̄ dāpij an kōṇaṇ.Ilo an ḷapḷọk an illu, eaar ḷapḷọk an Pukōt bwe en etal jen men kein renana.Eaar juon men eo enana im eaar jab jipan̄e ilo iien eo em̧ōkajtata.

“Iaar en̄jake ke iaar kainepataik Jema Ilan̄,” likao in eaar kōnono ippen priesthood ritōl eo an.“Iaar ukweḷọk m̧oktaḷọk, im Anij eaar jerḷọk aō bōd.Iaar kallimur ke ipan bar kōm̧m̧ane, im aet Na in ijin im einwōt ke iiar jab ukweḷọk m̧oktaḷọk.Ijjab erreo n̄an an Anij jerḷọk aō bōd im jipan̄.Ejjab kiō.N̄an indeeo.”

Im ritol im priesthood eo eaar ba nane, “Im kwoj ke m̧ōṇōṇō ke tiriamo ej menin letok?Kojjab aikuj erreo n̄an bōke.Kwoj kelet wōt nan bōke ilo am̧ m̧ōṇōṇō in kajjeon̄ im jab epper.”⁸Im ritōl eo eaar wōnm̧anḷọk wōt im kwaḷọk naan ko an Elder Neil L. Andersen jen Doulul eo an Jon̄oul Ruo Rijilōk ro: “Jemaron̄ bar rọọl liktak, bōtaab jen mōkaj im etta n̄an rọọliktak im bukelōlō im jar bar jino em̧m̧akūt ilo iial eo ejim̧we.”⁹

Bar juon alen, likao eo eaar jibadn̄kḷọk lan̄, im Rilomọọr eaar ped ijen n̄an jipan̄.Likao eaar jab mour wōt jen nan̄inmij eo an wōt, aet bar buruōn.Juon alen juon kōttōbar, im kōn tiriamo eo jen Jisōs Kraist ekōm̧m̧an bwe en pidodo, likao eo eaar jino an em̧m̧anḷọk.Ejjab etto eaar bar rọọl n̄an mijen eo an ilo juon m̧ōṇōṇō elap, erreo, ewōr tokjen, m̧ōṇōṇō kōn mour im kōjatdikdik.Men eo oktakin im tiriamo an Kraist Emaron̄ Kōm̧m̧ani.

Kakeememej ko

1. Tōl ko n̄an Jeje ko Rekwojarjar, “Tiriamo,” scriptures.ChurchofJesusChrist.org.

2. Dieter F. Uchtdorf, “Menin Letok An Tiriamo,” Apr. 2015 kwelok eo elap (Enjain ak Liona, Mae 2015, 107); bar lale 2 Nipai 2:6; Jacob 4:7.Būrejitōn Russell M. Nelson eaar ba, “Irooj ejjab aikuji ad jim̧we tōmak ilo kōj bwe jen maron̄ deḷọn̄e An jim̧we kajoor” (“Kraist Ej Jerkakbeje; Tomak ilo E Emaron̄ Kōm̧akūt Toḷ kaṇ,” Apr. 2021 kwelok eo eḷap [Liona, Mae 2021, 102]).

3. Russell M. Nelson, “Jemaron̄ Kōm̧m̧an Em̧m̧an im Em̧m̧anḷọk,” Apr. 2019 kewlok eo elap (Enjain ak Liona, Mae 2019, 67).

4. Lale Mosia 26:30; Moroni 6:8; Katak im Bujen ko 1:31–32.

5. Lale Daniel K. Judd, W. Justin Dyer, im Justin B. Top, “Grace, Legalism, im Mental Health: Examining Direct im Mediating Relationships,” Psychology of Religion im Spirituality, vol. 12, no. 1 (Bab. 2020), 26–35; lale bar Daniel K. Judd im W. Justin Dyer, “Grace, Legalism, im Mental Health ilubwilijin Latter-day Saints,” BYU Studies, vol. 59, no. 1 (2020), 5–23.

6. Lale Justin Brent Top, “Grace, Legalism, im Life Outlook in LDS Students” Ph.D dissertation, Mae 14, 2021, scholarsarchive.byu.edu/etd/9505.

7. Lale D. Todd Christofferson, Okt. 2014 kwelọk eo elap (Enjain ak Liona, Nob. 2014, 19).

8. Lale Steven J. Lund, “Kajoor Eo Je Ṇa Etan Tiriamo,” N̄an Kōkajoorļo̧k Jodikdik, Juļae 2022, 13.

9. Neil L. Andersen, Menin Letok Eo Ekajoor n̄an Jerḷọk Bōd (2019), 208.