Kajoor Eo Jen Jeje ko Rekwojarjar

12 Ioon n̄an Iien Eo Kwoj En̄jake …

Jen Kyla Kaye Hill

Māākijiin ko an Kabun̄ in

Elōn̄ ioon in kōketak ko ilo jeje ko rekwojarjar remaron̄ jipan̄, jekdoon ta eo kwoj en̄jake.

jiron̄ eo ej riiti jeje ko rekwojarjar

Kōmeļeļe ko jen Toby Newsome

Jejjo iiō remotḷọk, Elisabeth A., 17, jen Arizona, USA, eaar jino inepata, im eaar eddōkḷọk im nanaḷọk.“Ij en̄jake aolepen raan eo, aolep raan,” eaar ba.“Eaar ben n̄an n̄a bwe in eḷḷā jene kajojo raan.”

N̄an bōk aenōman, Elisabeth eaar kālet bwe en riiti jeje ko rekwojarjar kajojo bon̄.Ālkin elōn̄ iien ko, eaar jino an en̄jake m̧ōṇōṇō.

“Iaar jeḷā bwe iaar jab make iiaō,” eaar ba.“Iaar jeḷā ke Anij eaar iakwe n̄a im jilikintok Nejin, Jisōs Kraist, eo im eaar en̄jake metak ko ad, metak ilo bōro, ineptata, im waan.Kōn jeje ko rekwojarjar, Ewōr aō jemjerā eo ekajoor ippen Kraist im em̧m̧an n̄an mour in!”

Elisabeth eaar ekktak bwe jeje ko rekwojarjar elōn̄ ioon ko im bwebwenato ko kōn ewi wāween an kōjadikdik, aenōman, im kajoor ped ilo Jisōs Kraist.El iaan ro rem̧m̧an ipped ilo jeje ko rekwojarjar raar bar jelm̧ae apan̄ kein.Im aolep iien, rej loe kōjatdikdik, aenōm̧an, im kajoor eḷan̄n̄e rej oktakḷọk n̄an Jisōs Kraist.

Riiti jeje ko rekwojarjar remaron̄ jab jolok ta eo kwoj en̄jake, bōtaab m̧ool ko im ej katakin ie remaron̄ lewaj kajoor im aenōman.Errein ej jet iaan ioon ko komaron̄ lali eḷan̄n̄e kwoj aikuj kōketak n̄an kwe ak ro m̧ōttam̧.Komaron̄ ke bar pukōt jet n̄an kwe make?

N̄an iien ko kwoj en̄jake …

Jab m̧ōṇōṇō:Katak Kōn Bujen Ko 68:6

Kōn menin, kom̧in m̧ōņōņō, im jab mijak, bwe N̄a Irooj ij pād ippemi, im naaj jutak ippemi.

laddik eo ejjab m̧ōṇōṇō, ilo an marok n̄an e

Jerata: Luke 12:6–7

Bōtaab bar kooḷ ko ioon bōram emōj bar būni.Kon menin jab mijak; eļap ami aorōk jān elōn̄ bar ko.

juon jiron̄ ej mejān jook

Jook: Isaiah 54:8

Kōn meanwōd eo ejjeḷọk jemḷọkin Inaaj lewaj tiriamo n̄an kwe.

juon likao ej kajirere kōn bar juon likao, eo emejen būrom̧ōj

Adimejmej:Alma 26:27

Dāpdep wōt ilo ami en̄taan, im Inaaj lewaj n̄an kom̧ jeram̧m̧an.

juon likao emejen m̧ōjṇo, im pein ej kalbubu mejen

Būrom̧ōj: Moroni 7:41

En wōr ami kōjatdikdik ilo pinmuur eo an Kraist im kajoor in jerkakpeje eo.

M̧ōjṇo: Ether 12:27

Im eļan̄n̄e rej kōttāik er im̧aō, im wōr aer tōmak ilo n̄a, innām Inaaj kōm̧m̧an mennin m̧ōjņo̧ ko ren erom kajoor n̄an er.

juon likao emejen mijak

Mijak: Katab kōn Bujen ko 84:88

Inaaj ped ituaḷm̧oon im ituaḷmiin̄ in peum, im Aō jetōb enaaj ped ilo buruōm̧, im angel ro aō renaaj doulul eok, n̄an kotak eok.

juon jiron̄ ej jan̄

Metak: Sam ko 30:2

O Irooj aō Anij, Ij jan̄ n̄an kwe, im emōj am̧ kōmour io.

juon likao emejen mijak

Mijak: Joshua 1:9

Komin kajoor im m̧ōṇōṇō … bwe ami Anij ej ped ippami jabdewōt ijo kom̧ naaj etal ieḷọk.

juon jiron̄ ej make iaan im būrom̧ōj

Make Iaan: John 14:18

I jāmin likūt kom̧ atajinemjen: I naaj iwōj n̄an kom̧.

juon likao im juon jiron̄ rej akweel

Illu: Moroni 7:48

Jar nan Jema ōn aolepen būruōmi, bwe kom̧in en̄jake an iakwe.

juon jiron̄ ej kalimjōk juon waj, emejen kijorjor

Kijorjor: Katak Kōn Bujen Ko 100:15

Kōn menin, būruōmiro ren ineem̧m̧an; bwe aolep men ko otemjeļo̧k renaaj jerbal ippān doon n̄an em̧m̧an eo n̄an ro rej etetal jim̧we.