“Ne Būromōj Ej Waḷọk,” N̄an Kōkajoorļo̧k Jodikdik Ro, M̧aaj. 2024.
Kajoor ilo Iien Būromōj
N̄e ej Itok Būromōj
Ne mour in enaaj lelalḷọk eok, Jisōs Kraist emaron̄ kotak eok kōn kōjatdikdik.
Kōmeļeļe jen Dean MacAdam
Komaron̄ wōnm̧anḷọk ilo mour in jen lukkun jerbal im kōjatdikdik.Komaron̄ ilok im kiki mōkaj, ruj mōkaj (lale Katak Kōn Bujen Ko 88:124), im en̄jake m̧wil ko rejim̧we raan otemjej im kōjatdikdik.
Bōtaab, ewōr jet raan ko renaj ebbenļo̧k jen ko jet.
Im bar jet raan … ekwe, remaron̄ lukkun ben jon̄an komaron̄ jino en̄jake ke raan ko rem̧m̧an em̧ōj aer jako n̄an indeeo.
Ta eo kwoj kōm̧m̧ane ilo raan rōt kein?Ta eo kwoj kōm̧m̧ane ilo an kajjeon, ekoba kajjeon nan mour jimwe ilo mour in (jar, jitlọk, ekkatak jeje ko rekwojarjar, kobaḷọk ilo jikin jar im tampōḷ, ak ko jet.), ak einwōt ejjab bwe?N̄e kwoj kajjeon̄ iuni im bar iuni ilo ejjeḷọk kōjatdikdik, ak einwōt ej bar iunliktak kwe ak ekajoorḷọk?
Kwoj oktakḷọk n̄an Jisōs Kraist, aet.Kōjatdikdik bwe je menin letok an jetōb (lale Moroni 8:26).Im aolep menin letok ko an jetōb rej itok jen Jisōs Kraist (lale Moroni 10:17).
N̄e apan̄ ko an mour in rej lelalḷọk eok einwōt tol ej wōtlok jen mejatoto, menin letok eo an jetōben kōjatdikdik emaron̄ m̧eiōm̧ ilo am lōmnak elapḷọk kōn Jisōs Kraist.
“Iroij Ej Kōmeraijḷọk Eddo ko Aō”
Mour in eaar lukkun ben n̄an elōn̄ iaan ro ilo Venezuela mokta jen COVID-19 eo ilo 2020, bōtaab eaar lapḷọk an ben ilo aer kajjeon̄ mour.N̄an Sebastian eo im ej 11-iiō-dettan im baamle eo an, kōkajoor eo jen Jisōs Kraist raar aikuji nan lan̄lōn̄ im m̧ōṇōṇō ilo iien būromoj in.“Iaar lukkun nana aō mour bwe iaar jab maron wiaik men ko raorok einwot mona, nuknuk, im uno,” Sebastian eaar ba.“Bōtaab ewōr aō tōmak ilo Iroij bwe enaaj wōnm̧anḷọk im kōjeramman kōj.Ij en̄jake kōjeram̧m̧an ilo tōre eo ikar maron̄ bōke kōjeram̧m̧an eo an petriak.Ej jiron̄ n̄a kin men ko kar kalimur eō mokta jen aō ḷāwōde tok laḷin.”
Pedped ilo Jisōs Kraist einwōt kar iaan tiim eo an youth ilo iōō eo ḷak (“Imaron̄ in kōm̧m̧ane men otemjej ilo E” [Philippians 4:13]) kar kam̧oole bwe eḷap an jipan̄.“Kin men ko reppen laḷ eo aō ej iooni, tiim eo an youth jen kar iōō eo ḷak ej kakemejmej n̄a bwe Kraist enaj jipan̄ n̄a anjo im maron̄ in kōm̧m̧ane men otemjej ilo E,” Sebastian ej ba.
Ej juōn iaḷ aitok kitien, bōtaab Sebastian im baam̧le eo rej loe elōn̄ kōjeram̧m̧an ko im kōjatdikdik ilo iaḷ in aer.“Iroij Ej kōmeraikḷọk eddo ko Aō,” ej ba.“Ilo ien aō būrom̧ōj, ij jar, lin̄ūri jeje ko rekwōjarjar, im riiti kōjeram̧m̧an eo aō jen petriak eo.Kam̧olool n̄an E, pejnej eo an baam̧le eo im kar ejaake jilu iōō emootḷak em̧ōj an ḷapḷọk kōjeram̧m̧an ko ilo iōō in.Ij kōṇaan jiron̄ jodikdik ro jet bwe ren aolep ien pojak n̄an pedped ioon Jisōs Kraist.Iḷak kōmane menin, ij maron̄ anjo jen apan̄ ko aō make.”
Kajoor ilo Kalimjōk Em̧m̧an
Rikanan Nipai, eo kar dibuk men ko reppen ilo mour eo an, eaar katakin kōn m̧ool in:
“Wōnm̧anḷọk ilo am̧ dim ilo Kraist, kōn juon kōjatdikdik emram, im juon iakwe an Anij im n̄an aolep armij.Kōn menin, n̄e kom̧ naaj bun̄ m̧aanlok, kwojkwoj ioon naan an Kraist, im niknik n̄an jem̧ļo̧kin, lo, āindein Jemān ej ba: Kom̧ naaj bōk mour indeeo” (2 Nipai 31:20).
Kojatdikdik, ej juon men ekajoor nan jelmae būromōj, itok ilo ad dapdep ioon Jisōs Kraist.Ej iien n̄an kwe bwe kwōn kōḷapḷọk an dāpdep ilo E?