“Rilale Eo Am̧ Ilo Iien Ko Kwoj Mijak,” N̄an Kōkajoorļo̧k Jodikdik Ro, M̧aaj. 2024.
Kajoor n̄an jelm̧ae Inepata im Mijak
Rilale Eo Am̧ Ilo Iien Ko Kwoj Mijak
Ilo iien inepata ko, jemaron̄ ron̄jake ainikien Rilale eo.
Iroij eo ej Aō Rilale, jen Yongsung Kim
Juon iaan jepta ko eḷap adwōj jeḷā kake ej Psalm 23.Ritōmak ro ibelakin laḷin jen elōn̄ kabun̄ ko rej wōnm̧anḷọk wōt im loe aenōm̧an ilo ioon kein emōj jei elōn̄ iion ko remootḷọk.
Irooj ej aō Rilale; Ij jamin kōṇan.
Ej kababu iō ilo meļaaj in wūjooj ko remaroro: Ej tōl iō ilo dren ko reļae.
Eaar bar kōrool aō jetōb: ej tōl io ilo iial ko rejim̧we kōn āt eo etan.
Aet, men̄e ij etetal ilo iial ko n̄an mij, ijjab mijak nana: bwe kwoj ped ippa; am̧ aḷaḷ im jokṇa rej kaenōm̧an iō.
Kwar kōpooj juon tebōl im̧an mej ilo an rikōjdak ro aō ped: kwar kabit bōra kōn oil; im kab eo aō eaar tọọrḷọk.
Aet ejim̧we aenōm̧an im meanwōr renaj ped ippan ilo raan in mour ko aō: im Inaj delone im̧eo im̧ōn Iroij n̄an indeeo.
Em̧ōj ke am̧ ped ilubwilijin jiip?Rilikkun kajoor ekake im rej ettōr im m̧akūtkūt ilo an ḷap ainikier.Einwōt jeḷā kake er ke rejjab mijak!Im bōlen jemaron̄ ekkatak jen jōkjōk in kōnono in—Iroij eo ejela ke kōjwōj kajojo enaj wōr iien ko jenaj mijak.Ejjeḷọk jook ilo menin!Rej jet iaan kapan̄pan̄ ko an mour in.Ilo iien inepata ko, jemaron̄ ron̄jake ainikien Rilale eo.Ej kajjeon̄ tōllo̧k kōj n̄an “wūjooj ko remaroro” ilo aenōm̧an im jokane.Errein ej jet iaan jōkjōk ko Ej karuwaineneik kōj n̄an ḷoor E.
-
Ekkatak naan ko an Rilale eo ad—einwōt ekkatak ko An ilo Kallimur Ekaal, 3 Nipai, ak ilo Katak kōn Bujen ko.Ilo ad kōm̧m̧ane menin, enaj najidik jetōb ko ad im jenaj kuleḷọk Ainikien iliju im jeklaj.
-
Jar n̄an Jemed Ilan̄ ilo etan Jisōs Kraist aolep iien n̄an kajjitōk kōn kaenōm̧an im jokne ilo mour ko ad.
-
Bōk ke jipan̄ eo an Rilomoor eo ej itok ilo elōn̄ wāween ko, ekoba jined im jemed, ritōk ro an Kabun̄, ro mōttad, im emaron̄ taktō ro im ro jet rej jerbal in jipan̄.
-
Kobatok ippen ro im rej iakwe Rilomọọr eo, einwōt m̧ōn jar ak jemeneri.Menin emaron̄ kakobaik koj ilo jukjukin ped eo an ro Rekwojarjar ro rej jerbal ippen doon n̄an loor Rilomọọr eo im eḷḷājen mijak jen jipan̄ eo An.
Jet iien eḷḷā jen mijak ej bōk iien, einwōt m̧akūtkūt ilo juon kom̧laḷ eo emarok, einwōt Sam ko 23 ej ba.Nicolas F., jen Brazil, ej kam̧ool ke eḷan̄n̄e konaj wōnm̧anḷọk wot, kaenōm̧an enaj itok.E ej inepata kōn en̄jake ko rej kōm̧m̧an bwe en jab wōnm̧anḷọk im eto an mijak.
“Elōn̄ kattōn ao jar, kajjitōk ippen Anij bwe en bōk ḷōmṇak ko renana jen kōḷmenḷọkijen e aō, kajjitōk Ippen bwe en bōk en̄jake ko renana,” eaar ba.Eaar etal ilo iien boktak ko im ej kalboboik e kōn bōd ko eaar kōm̧m̧ani.
“Iaar kajjeon̄ pukōt kajoor eo an Anij, bōtaab iaar jab en̄jake An kaenōm̧an iō,” Nicolas eaar ba.Eaar etali jeje ko rekwojarjar n̄an ioon ko kōn eḷḷā jen mijak im loe kajoor ilo naan ko.E bōk jipan̄ jen jinen im bar ro jet.
Āliktata, juon ālkin raelep, eaar en̄jake an erro im m̧ōṇōṇō.Eaar kūle ewi toon an kajjeon̄.
“M̧okta iaar en̄jake einwōt Iaar ped ilo kalbuuj,” eaar ba.“Bōtaab kio ij en̄jake ke imaron̄ wiini tarinae in.Ilo aō kar Pukōt jipan̄ jen Rilomọọr, Iaar en̄jake kojatdikdik.”
Men̄e ekar einwōt iien ko im meramin aḷ ej ped ilo toḷ ko ak juon kom̧laḷ emarok, Rilale eo Em̧m̧an eped ippam̧, im Enaaj etetal ippam̧.Ej iakwe eok!Enaaj jipan̄ eok eḷḷā jen menin.Ped wōt Iturin, im Enaaj tol eok n̄an aenōm̧an.