“Jerbal ilo Iien M̧ōjņo Ej Jekjek Eo an Rilomo̧o̧r Eo,” N̄an Kōkajoorļo̧k Jodikdik Ro, M̧aaj. 2024.
Kajoor ilo Iien M̧ōjņo
Jerbal ilo Iien M̧ōjņo Ej Jekjek Eo an Rilomo̧o̧r Eo
Jisōs Kraist emaron̄ jipan̄ kōj eddōkḷọk ilo iien ko reppen, im ejjab wōt n̄an eḷḷā ioer.
Kōmeļeļe ko jen Uran Duo
Mason ejjab en̄jake iakwe eo an Anij einwōt m̧oktaḷọk.E ej tarinae jorrān in inepata elōn̄ iiō kiō ilo an jidik wōt an wōnm̧anḷọk, im ej inepata bwe ettōṇak ko an remaron̄ jab kūrm̧ool.
Anna ej ron̄ an jodikdik ro jet kōnono kōn revelsion im menin būlōn̄ ko.Eaar ḷōmṇak n̄an kajjeon̄, ejjab en̄jake ke ej bōk uwaak ko ak ej bōk en̄jake ko an jetōb einwōt ro jet.
Ethan eaar ḷōmṇak enaj ke bar erreo ak bar wanōk.Kar leḷọk n̄an E elōn̄ kapo ko im eaar en̄ajek an jab maron̄ dapiji im ej ḷōmṇak emōj ka an lukkun jako jen kallimur ko kōn an jeram̧m̧an.Eaar ḷōmṇak enaj ke jako an jerawiwi im eḷapḷọk an en̄jake an bōd ilo mōn jar eo.
Madison ej apan̄ kōn an jab jejjet an m̧ōn̄ā.Ewōr an Olivia nan̄inmij im ejjab jim̧we an ekkatak.Connoer ej apan̄ kōn an mijak (ḷōmṇak an bōd).Raar kakkure Abigail im eaar jab en̄jake ke ewōr tokjen.Ro jinen im jemen Jake rej kōm̧m̧an aer pepa in jepel, im eaar en̄jake an metak im jab meḷeḷe.Kar kōjekdoon Jayden im eaar en̄jake an ban bōk jerḷọkin bōd.
Elōn̄ apan̄ ko n̄an elōn̄ armij, ak ejjeḷọk juon uwaak in.Uwaak in ewōr etan—Jisōs Kraist.Aolep armij rej kōṇaṇ en̄jake aer kajoor, erro, m̧ōṇōṇō, im bar em̧m̧an, ak rejjab maron̄ jerbali jorrān kein aer make.Bōtaab Jisōs Kraist emaron̄ jipan̄.Ilo m̧ool, jerbal ilo iien m̧ōjņo ej jekjek eo an.Jipan̄ eo an ejjab kajoor itok ilo jōkjōkin ak n̄aat eo jej kōṇaṇ, bōtaab ej itok.
Errein ej jet iaan katak ko im renaj jipan̄ n̄an bōk naan in karuwainene eo an Rilomọọr eo bwe jen etetal Ippen (lale Moses 6:34), elaptata ilo iien ad ire ippen m̧ōjṇo.
Mour In Ej IIen eo n̄an Kōpopo
Anij ej iakwe kwe An iakwe eḷapḷọk jen am̧ jab inepata im eddodo.Ewōr jete iaan ro rem̧m̧an ippan raar en̄jake m̧ōṇōṇō im jeram̧m̧an?Emaron̄ in, rej ioone men ko rōkajoor im eppen.Einwot juon iian kō popo ko ilo mour in, “Iroij ej loe bwe en karreoik armij ro an; aet, ej kajjeon̄e aer niknik im aer tomak” (Mosiah 23:21).Jemaron̄ jab kōṇaṇ, bōtaab jet iien men kein reppen rej letok n̄an kōj bwe jen eddōkḷọk.
M̧ōjṇo Ejjab Kōkaḷḷein an Anij ba Em̧m̧an
Elōn̄ ro etto rej tōmak bwe nan̄inmij ilo kanniek im kōḷmenḷọkijen rej koōkaḷḷein an Anij kakkure er (lale John 9:2).Bōtaab m̧ōjṇo ko rej m̧ōttan mour in im ej jen Wōtḷọk eo.Men̄e jej jelm̧ae aban ko im ej juon iminene im ej juon men aorōk ilo karōk eo an Jemed Ilan̄, jelm̧ae apan̄ kein make ejjab an karōk.Jisōs Kraist eaar jab itok bwe en kakkure kōj; Kar jilikintok E bwe en iakwe im jipan̄ ro rejako, m̧ōjṇo, ak ajimakeke—eo im ej kōjwōj (lale John 3:16–17; Luke 15).
M̧ōjṇo Ko Rej Kōm̧m̧an Bwe Ren Kajoor ilo Kraist
Emenin aorōk bwe jen jela wōn kōj ilo bujen ko ippen Kraist im jen pedped ioon Aibojoj eo An em̧m̧an jen ad pedepd ioonbōd ko ad.Jisōs Kraist ejjamin erḷọk jen ro rem̧ōjṇo im rej pukōt E ilo tōmak.Anij ej leḷọk n̄an armij “m̧ōjṇo bwe ren moron̄ etta bōro: im [An] jouj ebwe n̄an aolep armej ro rej kottaik er [Iman] … imtomak ilo [E],” im eḷan̄n̄e renaj kōm̧m̧ane, “innem [E] enaaj kōm̧m̧ann mennin m̧ōjṇo bwe ren erom kajoor n̄an er” (Ether 12:27).Eḷan̄n̄e jenaj lilok apan̄ ko ad n̄an Irooj ilo bōro erub im jetōb emool (lale 3 Nipai 9:20), Emaron̄ jab kajju bōk men kein kio wōt, bōtaab Enaaj jipan̄ im kōkajoorḷọk kōj.
Kijenmej ippam̧ make.
Iiaḷin bujen in ej juon iiaḷ aetok, ejjab mōkaj.Ḷoor iiaļ in enaj jipan̄ koj jen apan̄ ko im oktak ko, wallōn̄ im wallaḷ, em̧m̧an im kauwatata, iien det im kōto ko ilo mour.Elōn̄ katak ko jemaron̄ katak jeni aolep bun̄tōn ko ilo iiaḷ in.Tiriamo an Jisōs Kraist ej ped ijen aolep iien, ejjab wōt ilo iien ko kwoj make ak iien ko rem̧m̧an.
Dāpdep Ippen Jisōs Kraist
Eḷan̄n̄e kwoj en̄jake am m̧ōjṇo im inepata, bōk kūr in an Rilomọọr eo: “Itok n̄an iō, ro otemjej rej jerbal im en̄taan, im Inaaj lewaj n̄an kom̧ kakkūje” (Matthew 11:28).Pukōt jōkjōk ko im renaj jipan̄ kwe n̄an dāpedp Ippen.Ilo am tōbar E, konaj loe bwe E ej eḷḷọk pein n̄an kwe im ejjamin eḷḷọk jen kwe!Mour in eban wānōk, ak jako jen an m̧ōjṇo, metak, im inepata.Bōtaab enaj em̧m̧anḷọk ippen eo Ekajoor n̄an Kōmour ilo an ped ippam n̄an kotak kwe eḷan̄n̄e konaj wōtlo̧k, kọre kinej ko am, im tōlḷọk kwe ilo iiaḷ eo im enaj bōk kwe n̄an m̧ōṇōṇō eo ejjeḷọk jemḷọkin.
Ikidelel eo an Jisōs Kraist ej jerbal ippen m̧ōjṇo.An ikidelel ilo jerbal ej ippam̧!