“N̄āāt Eo ij Bōjrak jen Aō En̄jake Bōd im Jook?,” N̄an Kōkajoorļo̧k Jodikdik Ro, M̧aaj. 2024.
Kajoor eo n̄an Eḷḷāioon Jewawiwi
N̄āāt Eo ij Bōjrak jen Aō En̄jake Bōd im Jook?
Jet iien emaron̄ pidodo n̄an en̄jake an ejjeḷọk kōjatdikdik ilo kwe jen en̄jake iakwe eo an Rilomọọr n̄an kwe—bōtaab Nipai ejeḷā, ejjab aikuj in āindein.
N̄e kwoj kōm̧m̧an bōd, emaron wōr kōḷmenḷọkijen ilo kwe ke koban tōbrak.Kwoj aikuj jeḷāḷọk jen jon̄an in.Kwoj jab erreo n̄an iakwe.
Tum̧ūlaḷūm̧, kwe kojeḷā bwe men kein rejjab m̧ool.Emōj am ekkatak kōn aorōkūm̧ einwōt laddik ak leddik ro nejin Anij, im kojela bwe ukweḷọk ej m̧ool im emaron̄.Bōtaab, alkin am kōm̧m̧an bōd ak jerawiwi, maron̄ bar kapo ki kwe n̄an kakkure kwe elapḷọk jen jon̄an eo armij remaron̄e kōn ḷōmṇak im am̧ bōd ak jook.
Jekdoon n̄e jet iaan ro rem̧m̧an ipped ilo jeje ko rekwojarjar raar bar en̄jake eindein jet iien.
Bar Nipai?
Ālikin an kar jeje kōn mij eo an jemen, Nipai eaar jei, “Mekerta, ekkar n̄an em̧m̧an an Iroij, ilo an kwaḷọk n̄an n̄a jerbal ko rem̧m̧an im kabwilōn̄lōn̄, buruō eaar kwaḷọk: O ejerata wōt N̄a!Aaet, buruō ej būrom̧ōj kōn kanniōkū; aō ej liaajlo̧ļ kōn nana ko aō.Ij kabooḷ, kōn kapo ko im jerawiwi ko epidodo aō boktok n̄a.Im n̄e Ij kōṇaṇ lan̄lōn̄, buruō ej inepata kōn jerawiwi ko aō” (2 Nipai 4:17–19).
Enin ej Nipai eo in jej kōnono kake—ejja armij eo im eaar bōktok pilej brass ko jen Laban, eaar kōm̧m̧an juon lippeṇ ilo ānejemaden, im eaar jōk juon wa ila an kar jab jōkjōk wa m̧oktaḷọk.Ewōr an kam̧ool kōn em̧m̧an eo an Iroij; mekarta, eaar en̄jake an m̧ōjṇo kōn jerawiwi ko an im m̧ōjṇo ko an.
Innem ta eo jej kōm̧m̧ane?Ilo bok in Bok In Mormon eo ad ro rem̧m̧an raar entaan kōn en̄jake ko kōn bōd im mojno, ta eo jej kōm̧m̧ane elan̄n̄e jenaj en̄jake rot in?
Men Eo In Jen Reilọk Wōt N̄an Jisōs Kraist
Bwebwenato eo an Nipai eaar jab jemḷọk ijeṇ.Jōkjōk eo n̄an Nipai bwe en oktakḷọk jidik jen e im reilọk n̄an Jisōs Kraist.
Ilo an kar Nipai abūṇōṇō, eaar ba, “Mekarta, Ijela wōn eo Ij lōke.Aō Anij eaar jipan iō” (2 Nipai 4:19–20).
Alkin an dāpdep ilo ḷōmṇak in, ro rem̧m̧an ipped ilo jeje ko rekwojarjar raar jab bar leḷọk aer n̄an metak ko ilo aer kōm̧m̧an bōd.Ak, eaar m̧ōṇōṇō ippen Rilomọọr eo!Nipai eaar ba, “Kwon lan̄lōn̄, O buruō, im kur nan Irooj, im ba: O Irooj, inaaj nebar Eok indeeo; aet, aō enaaj ln̄lōn̄ ilo Kwe, aō Anij im aō ejm̧aan im lọmọọr” (2 Nipai 4:30).
Einwōt Nipai, komaron̄ lo tiriamo, jerḷọk bōd, im lan̄lōn̄ ilo Jisōs Kraist.Komaron̄ jab en̄jake ke komaron̄ leḷọk aenōm̧an, bōtaab ewōr Juon eo emaron̄.Elder Jeffery R. Holland jan Doulul eo an Jon̄oulruo Rijilok ro eaar ba, “Aenōm̧an eo an Kraist ejjab letokwōt n̄an kōj lomọọr jān en̄taan im jerawiwi im mej bōtaab lomọọr jān ad dim ilo jerbal ko ad.”1
Innem ne kwoj en̄jake am̧ m̧ōjṇoḷọk im kojjab loe juon iial n̄an eḷḷā ioon bōd im jerawiwi ko am̧, kwon jeḷā bwe Jemed Ilan̄ im Jisōs Kraist reban bōjrak aer iakwe eok.Leḷọk am̧ kūle ioon Rilomọọr eo, im Emaron̄ jipan̄ kwe eḷḷāioon jerawiwi im bōd ko am jimor.