Pukōt Am̧ Kajoor ilo Jisōs Kraist

Jen Elder Jeffrey R. Holland

Jen Doulul eo an Jon̄oulruo Rijilōk ro

Jisōs Kraistej kajoor eo an jodikdik— aolep jodikdik ioon laḷin—im ebareinwōt koba kwe!

Ij m̧ōṇōṇō in kwaḷọk men in ejenolọk N̄an Kōkajoorļo̧k Jodikdik Ro ilo makijiin in.Jeje kein, makūkūt kein, im bwebwenato kein jen jodikdik rein ipelakin laḷin renaaj jipan̄ kwe kōkajoorḷọk kam̧ool eo am̧ kōn menko raorōk im mool ko n̄an indeo im kwaḷọk jen Bureejitōnji eo Kein Kajuon.Ilo Jisōs Kraist raar lukkun kwaḷọk, “E ej ‘Kajoor eo n̄an Jodikdik ro.’”¹Melelein bwe Jisōs Kraist ej kajoor eo am̧.Aō jar bwe konaj lanlōn̄ kōn mool in ilo tōrein aorōk ilo mour ne am, kiō im n̄an indeo.

Kōjwōjkajojo jej Aikuji Kajoor eo ilo Jisōs Kraist

Kojjab ped ijen ilo jide ak bōd.Kwar kalet nan itok nan lalin bwe kwōn ekkatak, eddōklok, kōm̧m̧ani men ko rem̧m̧an, im erom einwōt Jem̧ōm̧ Ilan̄.Ilo iiaḷ in, konaj ioon en̄taan ko, men ko reppen n̄an kwe, epper, im inepata ko im remaon̄ kainebata ki kwe.Bōlen kwoj en̄jake einwōt ke kwoj kalbuuj ilo tōrein.

Ilo iien in, jouj im kemijmij bwe Jemed Ilan̄ ej iakwe kwe.Aolpe iien Ej, im Enaj aolep iien.Kōn jouj im iakwe eo An em̧ool, Eaar jilikintok Nejin, Jisōs Kraist, bwe en kōkajoor kwe im jipan̄ kwe wōnm̧anḷọk.Im Jisōs eaar itok kōnke elap An iakwe kwe.

Jorrān eo, jet armij rejjab kūle aer aikuji Rilomo̧o̧r eo.Rejjab meḷeḷe ke er, einwōt aolep armij, renaj kōm̧m̧an bōd ko rejjab ramon̄ kajimwi, en̄jake ko rōjjab maron̄ jipan̄ er make kaki, im ioon jorran ko im en̄taan ko rejjab marōn wōnmanḷọk kaki.Im rejjab maron̄ eḷḷāioon jerawiwi im mij ilo er make.Meḷeḷein bwe renaaj—im aolep armij—rej aikuj Pinmuur eo an Jisōs Kraist, im kōn kajoor eo emaron̄ bōktok.

“Elukkun emman, Elder Holland,” komaron̄ lōmnak, “ewi wāween ao kōm̧m̧an bwe Jisōs Kraist en aō kajoor?”N̄an jipan̄ uwaak e kajjitōk in, jouj im kōtḷọk bwe in kwaḷọk jet iaan jōkjōk ko im rellōn̄ im Jisōs Kraist ej kōkajoor eok kajojo raan.

Ewōr An Kajoor N̄an Kōkajoor Eok

Ilo Bon̄ōn eo An āliktata ilo mour in, Jisōs Kraist eaar deḷon̄eḷọk Jikin Kallūb Kejemene.Ijin, Eaar bukelōlō bulōn wōjke olive ko im jino an bōk ioon jerawiwi ko an laḷin.En̄taan in elap in ejjeḷọk jemḷọkin “eaar kōm̧m̧an bwe [e], … eo eutiejtata, en wudidid kōn metak, im toorḷọk da eo daan” (Katak im Bujen ko 19:18).

Innem kar bōk Jisōs n̄an Calvary im debāāl e.Ijen Eaar kadedeikḷọk pinmuur eo An.E eaar kōṇan leḷọk mour eo An, im Eaar jerkakpeje ilo lan̄lon̄.Ilo tōre in Easter eo, ij m̧ōṇōṇō in kwaḷọk ke Jisōs Kraist ej mour!Ij bareinwōt kwalok ke E eaar jab kotak wōt eddo ko an jerawiwi ak eaar bar “en̄taan[kōn] metak ko im kaen̄tanaan ko im kapo ko otemjej” ilo an kōm̧m̧an menin (Alma 7:11; bar kakobaba).

Rilomo̧o̧r eo eaar en̄jake aolep metak ilo bōro im metak im eaar entaan̄, ilo ao ḷōmnak, aolep metak im en̄taan ko eaar iooni jen kwe, n̄a, im aolep ro rej mour ak ro renaaj mour.Kon ta eo Eaar iooni ilo kanniek, koḷmenḷọkijen, im ilo jetob kōn kwe, E ejeḷā wāweenan kōkajoor eok.

Bōlen eben n̄an kwe bwe kwon tōmak ke Jisōs eaar m̧ōṇōṇō in jipan̄ kwe im emake iaan ilubwilijin million ro rej dekjab ne.Elan̄e kwoj ḷōmṇak ewōr men ko raorōklok n̄an E bwe en kōm̧m̧ani ijelokin an kōkajoorlok kwe ilo iien am aikuj, ḷōmṇak kōn E ilo jikin kallub eo, ḷōmṇak kon E ilo depāāl eo.“Eaar en̄taan, eaar bōtōktōk im mij”² kōn kwe kōnke Ejeḷā ke kwe ewōr tokjem̧.Ej jeḷā wōt menin.E ej ḷap an kōnan, m̧ōṇōṇō, im emaron̄ jipan̄ kwe—kiō im indeeo.EEaar letok mour eo an bwe En maron̄ kōkajoorḷọk kwe ilo an bōk mour eo An-karuwainene eo eoktak: “Itok n̄an ippa” (Matthew 11:28).

Kālet n̄an Etetal Ippen

Ej am̧ kālet ḷoor Jisōs Kraist im kōm̧m̧an bwe E en am̧ kajoor.E eaar “kōkalleik iial eo im ej tōl”³ n̄an rool ippen Jemed Ilan̄.Ilo m̧ool, E ej “iiaḷ eo, m̧ool eo, im mour eo” (John 14:6).

Kwoj pukōt iial eo ilo am̧ kotak kojpel eo an Jisōs Kraist ilo am̧ kōmoururi tōmak eo ilo E im ukweḷọk jen jerawiwi ko.Kwoj kamūlalḷọk jemjera ne am̧ Ippen ilo am̧ kalet n̄an baptaij ilo Etan im bōk menin letok eo an Jetōb Kwojarjar.Innem kwoj wōnmanḷọk wōt ilo iian in kojpel eo An ilo am kōjbarok kakien ko, bōk kain̄i ko, kautiej bujen ko, im mour einwōt an Rikalor.

Makūtkūt kein rej kōkajoorḷọk loklok eo—loklokin bujen—im ej kakobaik kwe ippen Kraist—im E ilo kwe.Ilo am̧ etetal Ippen, E im Jemen renaj oktak im einwōt am rijojoḷāār ilo jetōb in tōl im kajoor.Innen komaron̄ wōnm̧anḷọk wōt im m̧ōṇōṇō raan otemjej, erom einwōt Er, im juon raan konaj rool im mour Ipper im mour einwōt Aer mour.

Wōnm̧anḷọk Wōt ilo Kajoor eo An

Kōn aolepen buruō, ij kam̧ool ke Jisōs ej RiKraist eo.N̄e kwoj wōnm̧anḷọk n̄an E, kepaakḷọk E, im karuwaineneik E bwe en kōkajoor eok, E enaaj itok n̄an ippam im Enaaj loe kwe.⁴Ejjeōlok kālet komaron̄ kōm̧m̧ani im enaj kajenelok kwe im ettolok jen An tōbar eok.Elukkun ḷap aō tōmak ilo men ko iaar ba moktaḷọk: “Ejjab maron̄ n̄an kwe [ak jabdewōt] bwe kwon tulok laḷḷọk eḷap jen jon̄an meram in Pinmuur eo an Kraist ejjeḷọk jemḷọkin.”⁵

Eḷan̄n̄e konaj itok n̄an Kraist, moktata im aolep iien kōjbarok Kien ko An “ilo juon bōro em̧ool” (3 Nipai 18:32), Enaj etetal ippan ilo iial ko am ilo mour in.Enaaj bōk peūm̧ im enaj am̧ kōjadrikdik.Enaaj am̧ kajoor.Im E enaaj bōktok m̧ōṇōṇō eo ejjeḷọk jemḷọkin, im lanlon n̄an eok.

Einwōt juon An rikam̧ool, ij kam̧ool im kallimur bwe menin ej m̧ool.