Etke Ij Aikuji Jisōs Kraist

Jen Tracy Y. Browning

Rikapilōklōk eo kein karuo ilo Bureijtōnji eo an Doulul eo an Buraimeri

Meḷeḷe kōn jemjera eo ad ippen Rilomo̧o̧r Eo eḷap an aorōk.

“Etke Ij aikuji Jisōs Kraist?”Ej juon kajjitōk em̧m̧an n̄an am̧ kajjitok ippam—ejjab aolep “aolep” ak baamle eo am “kōj.”Bōtaab, lukkun, “Ij.”Ta uwaak eo aō n̄an kajjitōk in?

Uwaak eo iaar loe n̄an n̄a make ej itok jen aō jerbal ilo tōmak; kajjeon̄ kajojo raan n̄an mour ekkar n̄an bujen ko; ekoba bujen in baptaij eo; im ekkatak n̄an ron̄jake ainikien Iroij jen Jetōb Kwojarjar.Im men eo aorōktatat, ej pedped ioon jemjerā eo aō ippen Rilomọọr eo.

Jemjerā Ippen Rilomo̧o̧r Eo

Imaron̄ laajrake aolep un ko ij aikuji ro jinō im jema ak ro mōtta.Ij najidik jemjera kein raan otemjej.Aorōk ko aer ilo mour e aō elap jen jon̄an an em̧m̧an einwōt ilo iien ko ij kajjeon kepaak tok er ilo men ko reddik einwōt kōnono, kajjeon n̄an jeḷā kōn er, im kōtḷọk bwe aer maletlet im jeḷā ren kōketak mour e aō.

Jemjerā eo ad ippen Jisōs Kraist emaron̄ bar einwōt in.Jar raan otemjej n̄an Jemed Ilan̄ ilo etan Jisōs Kraist ej juon men aorōk.Im ej n̄an kajjeon̄ jeḷā kōn Rilomọọr eo jen ad etali jeje ko rekwojarjar, riiti naan ko an rikanan ro im rijilōk ro, im ron̄jake Jetōb.Ij kaddōkḷọk jemjera in ilo aō kōtḷọk bwe aolep men ko ij ekkatak ren kadeel wāween im jōkjōkin mour e aō.

Bareinwōt, kōḷmenḷọkijen kōn karōk in lo̧mo̧o̧r eo.Taitōl eo, “karōk in lomo̧o̧r,” ej kwalok ke kwe im Na—aolep armij—aikuj mour im bwe Lomo̧o̧r ekar baj mōttan wōt karōk in n̄an mour in.Jaar aikuj jipan̄ bwe jejjab maron̄ lomo̧o̧ren kōj make.

Bōtaab Anij eaar jilikintok kōj n̄an lalin kōn kallimur eo ejjeḷọk jemḷọkin bwe E enaaj letok Rilomọọr, Jisōs Kraist, eo im enaaj eḷḷā jen apan̄ ko im renaaj kōjenolọk kōj jen iman mejen Anij.¹Im eḷan̄n̄e jenaj kōm̧m̧a bujen ko ippen Anij, Ej kallimur ke enaj kōm̧m̧an jabdewōt men Emaron̄, ilo an jab bōk anemkwōj in kālet eo, n̄an jipan̄ kōj dapij kallimur eo erro jaar kōm̧m̧ane Ippen.²

Tracy Y. Browning ilo iien baptiji eo an

Ij Aikuj Jeḷā Eḷan̄n̄e Ej Meḷeḷe

Iaar bāptaij ke eaar 16 iio detta im jokwe ilo New York City.Kar jinoun eaar lap Aō joḷọk iien ko aō kajjeōn kōtōbal mour e aō ippen tōmak eo aō ekāāl, ippen jemjera in bujen in ippen Anij, im jemjera eo aō ippen ro mōtta.

Iaar inepata ke enkar ejjeḷọk mōtta ilo jikuul eo im inaj ped ippen.Bōtaan ro mōtta raar iminene kōn ta ko raar kōm̧m̧ani im iaar kule ke raar lukkun nana n̄an jetōb e aō im raar jab depdep im juon wōt ilo aō kar bōk Jisōs Kraist ilo n̄a.Ijela ke Jisōs Kraist eaar kōnan bwe in kōm̧m̧ani kālet ko rem̧m̧an.

Eita iaar jab jela elan̄n̄e Rilomọọr eo emeḷeḷe ewi jon̄an aō kar boktak ilo aō en̄jake.Kajojo raan eaar benḷọk ilo aō aer kar ba n̄an n̄a bwe in kōm̧m̧ani men ko ijeḷā raar jab em̧m̧an.Jet iien ij ba bwe rejjab lukkun kawatata, bōtaab ijela ke iaar pineje nana in men ko ijjab aikuj kar kōm̧m̧ani.

Ij aikuj kar jeḷā bwe Rilomọọr eo emeḷeḷe ewi jon̄an aer kar ajimakeke im eddo ilo iien ko ij kajjeon̄ lomnak n̄an lelaḷḷọk kakien ko an kojpel in bwe in maron̄ en̄jake ke n̄a ij bareinwōt jet iaan ro mōtta. Iaar en̄jake einwōt imalon̄.Iaar aikuj rijipan̄.Iaar Aikuji Jisōs Kraist.

Ke jemjera e Aō ippen eaar Mwilaḷḷọk

Jemjera e Aō ippen Jisōs Kraist eaar mwilaḷḷọk ke iaar loe kon na make etke Ij aikuji E.Ilo kar iien eo iaar jino emakut jen aō kar ijela inkar mour kon kojpel eo ilo jeḷā etke ij kōnan mour kōn kojpel eo im kajjitok jipan n̄an kōm̧m̧ane.iaar bukōlōlō im lutōklepelp aolepen buruō n̄an Anij, kōn kōjadikdik ke Ej keak kōn n̄a im inepata ko aō, im karōk in lomoor eaar kōm̧m̧an bwe ej jipan̄ n̄a, im bwe aō m̧ōṇōṇō ej ped ilo karōk eo.

Būreejtōn Russell M. Nelson eaar katakin, “N̄e kwe im N̄a kōjro naaj kōm̧m̧an bujen ippen Anij, jemjera eo arro Ippen enaj kepaakeḷọk kōjro elapḷọk jen mokta jen ad kōm̧m̧an bujen. …Kōn bujen eo arro ippen Anij, E ejjamin mōk jen An naaj kajjeon̄ n̄an jipan̄ kōjro, im jepan mōk kōn An kijenmij im tūriamo kōn kōj.”³

Iaar kōnono ippen Jema Ilan kōn ewi jon̄an aō kar metak ilo Aō en̄jake, ilo Aō kar jaje ta eo in kōm̧m̧ane n̄an jimor kakien ko im ro mōtta.Iaar jiron̄ E ke iaar jab m̧ōṇōṇō im ij lukkun aikuji jipan̄ eo An.

Ilo aō kar bukōlōlō iaar jino aō en̄jake aenōm̧an.Enjake in m̧ōṇōṇō in eaar jipan̄ n̄a melele ke Rilomọọr eo eaar jela kōn en̄jake eo Aō im E ej keak—eḷap jen jon̄an, aet.

Ilo aō rittoḷọk im bōk elapḷọk jela ko, iaar kūle ke jabdewōt iien ij itok n̄an Anij akwelap kōn jipan̄ ak jerḷọk jerawiwi, I pijaikḷọk aō em̧m̧akūtḷọk n̄an Jikin Kallūb eo Kejemene, ijo im ad Rilomọọr eaar wūdidid kōn metak im jino an en̄taan jimor ilo kanniek im jetōb kōn bōd im jerawiwi ko raar kōtoḷọk kōj jen Anij.⁴Ej menin kakeememejj bwe E ej melele ta eo ij en̄jake—eḷapḷọk jen jabdewōt eo emaron̄.

Jab Make

Ke iaar jutak jen aō bukōlōlō, jetōb eaar jipan nan kōmeḷeḷeik jet men im kōketak n̄a n̄an kōm̧m̧ani jerbal ko jet.M̧okta, iaar kemijmij bwe juon iaan ro mōtta raar M̧ajḷom̧ im ijjan̄in kar kajjitōk kōn kakien ko aer kōnke jej kautiej e tōmak eo an im jaar meḷeḷe ke ewōr jejjo men ejjab aikuj in kōm̧m̧ani.Iaar en̄jake ke ij aikuj kwaḷọk tomake eo ekaal aō n̄an ro mōtta bwe ren bar meḷeḷe eḷapḷọk kōn n̄a im bwe kakien ko aō rekaal rej aorōk n̄an n̄a.

Iaar jino kōn jidik.Iaar ba n̄an juon iian ro mōtta kōn an kar pen n̄an n̄a.Leddik in eaar ettā im kautiej.E eaar jipan̄ n̄a ilo Aō kōnono ippen ro jet mōtta.Ejjab aolep raar meḷeḷe, bōtaab iien ko mantak, iaar loe ke raar kōm̧m̧an karōk bwe ijjab bōk koņaō ilo men ko renaj kakkure kallimur eo ippen Anij.

Iaar jeḷā ke kōjwōj kajojo jej aikuji elapḷọk kajoor n̄an bōbrae kadeel ko an laḷin.Kōjbarok kakien ko rej jipan̄ ilo wāween in, im Jisōs Kraist ej ped ioḷapḷapin bujen kein ad.⁵En̄in ej men eo iaar leo n̄an n̄a make—etke Ij aikuji Jisōs Kraist.

Rọọl n̄an mweo ippen Anij ejjab juon men imaron̄ kōm̧m̧ane Ippa make.Im elukkun lōn̄ bun̄tōn dikdik ko raan otemjej im men ko ij iooni kajojo raan—im kōjwōj kajojo—n̄an kōm̧m̧ani ilo iial in ad n̄an mweo.Bōtaab ewi jon̄an ad jeram̧m̧an ro rej kōm̧m̧an bujen im kōjbarok bujen bwe Anij “eban mōk ilo An kajjeōn̄ n̄an jipan̄ kōj” m̧ae iien eo jenaj ped ijeṇ.