Pangitaa ang Iyang Kalig-on

7 ka Paagi sa Paggamit sa Kalig-on ni Jesukristo

Ni Becca Aylworth Wright

Mga Magasin sa Simbahan

“Si Jesukristo mao ang kalig-on sa kabatan-onan.” Sa unsang paagi kini mamahimong usa ka reyalidad alang kanimo kay sa kutob lang sa sulti?

“Si Jesukristo mao ang kalig-on sa kabatan-onan.” Kini labaw pa sa usa ka maanindot nga ideya. Usa kini ka gamhanan nga kamatuoran nga gitudlo sa mga propeta ug apostoles¹—apan lamang kon kita mogamit niini, kon atong himoon si Jesukristo nga tinubdan sa atong kalig-on. Apan unsaon man nato sa paghimo niana? Sa unsang paagi atong matugotan si Jesukristo nga makatabang kanato nga mahimong mas lig-on? Ania ang pipila ka mga ideya.

Mga paghulagway pinaagi ni Toby Newsome

1 Modawat og Kalig-on pinaagi sa Pagtuman sa Inyong mga Pakigsaad

“Unsa man ang tinubdan sa ingon nga moral ug espirituhanong gahom, ug unsaon man nato sa pag-angkon niini? Ang tinubdan mao ang Dios. Atong maangkon kana nga gahom pinaagi sa atong mga pakigsaad ngadto Kaniya.”

Elder D. Todd Christofferson sa Korum sa Napulog Duha ka Apostoles,, Abr. 2009 nga kinatibuk-ang komperensiya ( Liahona, Mayo 2009, 20).

2 Modawat og Kalig-on gikan sa Pagbasa sa Iyang Pulong

“Ang pulong sa Dios … adunay gahom sa paglig-on sa mga Santos … aron sila makasagubang sa daotan, makagunit og hugot ngadto sa maayo, ug makakaplag og hingpit nga kalipay dinhi niini nga kinabuhi.”

President Ezra Taft Benson (1899–1994), “The Power of the Word [Ang Gahom sa Pulong],” Abr. 1986 general conference (Ensign, May 1986, 80).

“Ang kasulatan makahupay sa nahasol nga kalag, makahatag og kalinaw, paglaom, ug pagpahiuli sa pagsalig sa abilidad sa usa ka tawo sa pagbuntog sa mga hagit sa kinabuhi. Kini dunay kusog nga gahom nga moayo sa emosyonal nga mga hagit kon dunay hugot nga pagtuo sa Manluluwas.”

Elder Richard G. Scott (1928–2015) sa Korum sa Napulog Duha ka Apostoles, Okt. 2011 kinatibuk-ang komperensiya (Liahona, Nob. 2011, 6–7).

3 Modawat og Kalig-on gikan sa Pagtuman sa Iyang mga Sugo

“Ang atong kaseguroan mag-agad sa paghinulsol. Ang atong kalig-on maggikan sa pagkamasulundon sa mga sugo sa Dios.”

Presidente Gordon B. Hinckley (1910–2008), “The Times in Which We Live,” Okt. 2001 kinatibuk-ang komperensiya (Ensign, Nob. 2001, 74).

“Kon kini mao nga ang mga katawhan maghupot sa mga sugo sa Dios siya moamuma kanila, ug molig-on kanila, ug mohatag og mga paagi diin sila makatuman sa butang diin siya misugo kanila.”

1 Nephi 17:3.

4 Modawat og kalig-on gikan sa Paghinulsol sa Matag Adlaw

“Pinaagi sa hugot nga pagtuo sa Pag-ula ni Jesukristo ug paghinulsol sa ilang mga sala, ang [mga indibidwal] makadawat og kalig-on ug tabang sa paghimo og maayong mga buhat nga dili unta nila mahimong mapadayon kon mapasagdan lang sa ilang kaugalingong mga paagi.”

Bible Dictionary, “Grace,” Gospel Library.

5 Modawat og Kalig-on gikan sa Pagtinguha ug Pagsunod sa Pagpadayag

“Unsay mahitabo kon kamo maminaw pag-ayo, mopatalinghog, ug mamati unsay gisulti sa Manluluwas ug unsay Iyang gisulti pinaagi sa Iyang mga propeta? Ako mosaad nga kamo mapanalanginan og dugang gahom sa pag-atubang sa tentasyon, mga pakigbisog, ug kahuyang. … Ug ako mosaad nga ang inyong kapasidad sa pagbati og hingpit nga kalipay madugangan bisan kon ang unos magkadaghan sa inyong kinabuhi.”

Russell M. Nelson, “Paminaw Kaniya,” Abr. 2020 kinatibuk-ang komperensya ( Liahona, Mayo 2020, 90).

6 Modawat og Kalig-on gikan sa Pag-ampo

“Ang atong espirituwal nga koneksiyon sa gahom mapalig-on pinaagi sa pag-ampo. Samtang kita mopakitambag sa Dios sa tanan natong buhaton, siya moagak kanato sa kaayohan.”

Presidente Russell M. Nelson, Okt. 1984 kinatibuk-ang komperensiya (Ensign, Nob. 1984, 31).

7 Modawat og Kalig-on gikan sa Pagserbisyo sa Templo

“Palihog paggahin og panahon sa Ginoo diha sa Iyang balaan nga balay. Walay lain nga makapalig-on sa inyong espirituwal nga pundasyon sama sa pagserbisyo sa templo ug pagsimba sa templo.”

Presidente Russell M. Nelson, “Paggahin og Panahon alang sa Ginoo,” Okt. 2021 kinatibuk-ang komperensiya (Liahona, Nob. 2021, 120).

“Ganahan kaayo ko kon sa unsang paagi kita makagamit sa kalig-on gikan ni Jesukristo, apan kita kinahanglan magtinguha niini ug mobuhat diha sa hugot nga pagtuo.”

Grace T., 15, USA

Mubo nga Sulat

1. Tan-awa sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022), 2.