Kalig-on sa Pagbuntog sa Sala

Mas Lig-on Kaysa Tentasyon

Ni Eric D. Snider

Mga Magasin sa Simbahan

Ang Manluluwas makalig-on kaninyo samtang magtinguha kamo sa paglikay sa sala.

Ang paghinulsol usa ka milagro. Gihimo kining posible ni Jesukristo. Ang Langitnong Amahan mahimuot sa pagpasaylo kanato kon kita mopili nga maghinulsol ug mosunod sa Iyang mga sugo. Samtang kitang tanan magkinahanglan nga maghinulsol sa tibuok natong kinabuhi, sa unsang paagi kita makabatok sa sala ug makahimo og mas maayo nga mga pagpili?

Ania ang pipila ka sugyot alang sa pagbaton og kalig-on pinaagi ni Jesukristo batok sa tentasyon:

• Magbasa sa mga kasulatan kada adlaw.

• Mag-ampo kada adlaw.

• Makanunayon nga mosimba.

Usahay ibaliwala nato kini isip komon, klaro nga mga tubag. Ayaw padala niana nga laang! Kini nga sukaranan, mahinungdanon nga mga tubag pirme nga gibalik-balik tungod kay kini ang sukaranan, mahinungdanon nga mga tubag! Epektibo kini.

Buhata kini nga mga butang, ug kamo mahimong mas duol ngadto sa inyong Manluluwas.

Mga paghulagway pinaagi ni Adam Howling

• Kon mosulod ang usa ka daotan nga hunahuna sa inyong isipan, patiri kini pagawas sa entablado pinaagi sa usa ka paborito nga himno o makapabayaw nga awit.

  

• Sag-uloha ang pipila ka makapahupay nga mga kasulatan, ug andama kini alang sa sama nga katuyoan.

  

• Pangita og mga kahigayon sa pagserbisyo sa uban.

  

• Pagmakugihon kabahin sa pagtuman sa inyong buluhaton sa Simbahan.

  

• Magmahimong tigpasiugda og kalinaw, ilabi na diha sa panimalay.

  

• Ibalaan ang adlaw nga Igpapahulay.