M̧wen̄an eo an Jibbon̄ in Jabōt
Bujen ko im Eddo ko
Jidik in kōnono in
Juon bujen ej kallim̧ur n̄an kakūrm̧ool jet eddo ko. Kallim̧ur ko an juon make rej men ko raorōk ilo ilo mour ko ad kajjojo im n̄an jerbal ko ad ilo jukjuk in pād ko. …
Ke ekar iien jino Jepļaaktok eo an tarlep in gospel eo an Jisōs Kraist, Anij ekkar kūr juon rikanaan, Josep Smith. … [Bok in Mormon eo] ej mennin jipan̄ eo eļap an Jepļaaktok eo an tarlep in gospel eo an, ekoba karōk eo an Anij n̄an ajri ro Nejin, im Bok in Mormon eo eobrak kōn elōn̄ meļeļe ko n̄an bujen ko. …
Bujen ko raar pedped in Jeplaaktok in gospel in. Menin ej kein kam̧ool eo ilo bun̄tōn ko jinoin Irooj ekar tōl Rikanaan eo n̄an būki ilo ejaake Kabun̄ eo An.
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej Kabun̄ eo rej kallōk tample ko ilo ipeļaakin laļ in. Un ko aer ej n̄an kōjeraam̧m̧an ajri in bujen ro nejin Anij ilo aer jar lo tampeļ im ilo eddo ko rekwojarjar im kajoor ko im kōjeram̧m̧an ko rejeņoļo̧k me rekar bōke kōn bujen kōn aer liāp ippān Kraist.
Kabun̄ eo an Jisōs Kraist armej rej kile āinwōt juon kabun̄ eo me ej kwaļo̧k aorōkin kōm̧m̧ani bujen ko ippān Anij. Bujen ko rej jolet ilo kajjojo iaan kain̄i ko an lo̧mo̧o̧r im mour eutiej tata ippān Anij eo me Kabun̄ in ej kōm̧m̧ane. Kain̄i eo an peptaij im bujen ko rej ekkeijel ippān n̄an deļon̄e aelōn̄ selestial. Kain̄i ko im bujen ko rej itok ippāntok bujen ko an tampeļ eo rej mennin aikuj ko n̄an mour ijo eutiejtata ilo aelōn̄ in selestial, eo ej mour indeeo, “mennin letok eo eļaptata ian mennin letok ko an Anij” [Katak im Bujen Ko 14:7]. En̄in ej menin kōttōpar eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata.