Mwen̄an eo an Jibbon̄ in Jabōt
Naan ko Raorōk
Jidik in kōnono in
Naan ko raorōk! …
Ijoke, naan ko remaron̄ jej tokjeer, nana, im kōmmetak. …
Ilo rejet eo juon, naan ko remaron̄ kaanjo̧, kōjatdikdik im kōketak. Remaron̄ un̄ur kōj n̄an bar ļōmņak, bar jinoe, im bar tōl iaļ eo ad. Naan ko remaron̄ kōpeļļo̧k ļōmņak ko ad n̄an m̧ool eo.
En̄in ej unin, jinoin im āliktata, naan ko an Irooj raorōk. …
Tōmak im ron̄jake naan eo an Anij enaaj kepaakeļo̧k kōj n̄an E. …
Ruo, naan ko an rikanaan ro raorōk.
Rikanaan ro rej kam̧ool kōn kwojarjar eo an Jisōs Kraist. Rej kwaļo̧k gospel eo An im kwaļo̧k An iakwe n̄an aolep. …
… Naan ko an rikanaan eo raorōk n̄an Irooj im n̄an kōj.
Jilu, rej naan ko ad make, relukkuun in aorōk. …
… Kōn menin lale ta eo kwoj ba im wāween am̧ ba. Ilo baam̧le ko ad, eļaptata ippān ļōm̧aro pālele, lim̧aro pālele, im ajri ro, naan ko ad remaron̄ kobaik kōj ak kōm̧m̧an jepeļļo̧k ikōtaad.
In kwaļo̧k jilu naan ko reļem waan me jemaron̄ kōjerbali n̄an joļo̧k metak in en̄jake eo jān apan̄ ko im oktak ko, wōr kilaan em̧m̧an, im kallim̧ur n̄an doon.
“Kom̧m̧ool.”
“Joļo̧k aō bōd.”
Im “Ij iakwe eok.” …
Ij kallim̧ur bwe eļan̄n̄e jej “kwōjkwōj ioon naan ko an Kraist” [2 Nipai 32:3] menin ej tōlļo̧k n̄an lo̧mo̧o̧r, naan ko an rikanaan eo ad me rej tōl im kōketak kōj, im naan ko ad make me rej kōnono kōn wōn kōj im ta eo jej kaorōke, kajoor ko an lan̄ renaaj lutōktok iood.