M̧wen̄an eo an Ālkin Rālep in Jādede
Erom̧ Juon Wōt Ippān Kraist
Jidik in kōnono in
Itok n̄an Kraist, jān Casey Childs
Juon wōt ippān Kraist im Jemedwōj Ilan̄ emaron̄ in waļo̧k ilo Pinmuur eo an Rilo̧mo̧o̧r. …
Men ko aikuji n̄an pāptaij, ilo aer m̧wilaļ, rej jenolo̧k ilo aer lukkuun allikar. Rej m̧oktata kitbuuj ettā im̧aan mejān Anij, juon bōro erub im jetōb ettā, ukweļo̧k jen aolep bōd ko, bōk iood etan Jisōs Kraist, niknik n̄an jem̧ļo̧kin, im kwaļo̧k ilo jerbal ko ad bwe em̧ōj ad bōk ilo kōj Jetōb eo an Kraist.
Elukkuun aorōk bwe aolep laajrak men ko raorōk n̄an peptaij rej ilo jetōb. … Ro rej jerata im ro m̧weie rej kōtmene jen er ejja laajrak in men ko wōt.
Ejjeļo̧k laajrak in mennin aikuj ko n̄an lale kwoj jān ia, m̧aan ak kōrā, ak doulul in armej ta eo kwoj jān e. …
Ad kile “juon wōt” im̧aan mejān Anij, ekōm̧m̧an ad meļeļe jidik n̄an kalikkar oktak ko ad jen doon. …
… Nan bōk kōjeraam̧m̧an ko an Pinmuur eo an Rilo̧mo̧o̧r eo, jej aikuj m̧ool ilo ad kōjerbal anemkwoj in kāālet eo ad n̄an kāālet Kraist im pokake kien ko An. …
Kālet ko rej lukkun aurōk remaron̄ kōm̧m̧an jen enan̄in aolep jekdoon ta kapeel ko, maron̄ ko, iien ko rej jejjōt tok, ak jekjek ko jen jeram̧m̧an in jāān. …
Ilo ad jelm̧ae oktak in jekjek ko an mour, elōn̄ makūtkūt ko rej bōk jūkier im ewōr jidik ak enan̄in ejeļo̧k ad kajoor ioer. … Nan kālet ko rej lukkun aurōk, ej wōr ad maron̄. …
Ilo wāwein ko an juon pedped, m̧wil, aorōk in kabun̄ , im mour ilo jim̧we, kōj ej wōr ad maron̄. Ad tōmak ilo im kabun̄ jar n̄an Anij Jemād im Nejin, Jisōs Kraist, ej juon kālet eo jej kōm̧m̧ane. …
Jej aikuj kate kōj iien otemjej n̄an kobaiktok ro jet ilo douluul eo ad n̄an juon wōt. …
Jej juon wōt kōn iakwe im tōmak ilo Jisōs Kraist im Pinmuur eo An. Kadkak in jetōb ko ad bōnjāer n̄an erom̧ juon wōt ippān Kraist.