M̧wen̄an eo an Jibbon̄ in Jabōt
Kōņaan eo an Anij ej n̄an Boktok Eok n̄an Kapijuknen
Jidik in kōnono in.
Jepļaak n̄an Kapijuknen, jān Yongsung Kim
Aolepen karōk eo an Jemed kar kōm̧anm̧an n̄an boktok aolep ajri ro Nejin rejitōnbōro n̄an kapijuknen. …
Ej ke meļeļein bwe aolep men rej pedped ioon wāween ad mour ilo mour ko ad? … Jaab, ekar jab. … Aorōk in katak ko An rej kwaļo̧k kōn mour ilo tiljōk im karbōb ilo m̧wilej juon kūr n̄an wōnmanļo̧k an juon make, n̄an oktak in tōmak ilo Kraist, n̄an juon oktak ekajoor an būruo. …
N̄e jej tōmak bwe tarlep in kōttōbar in karōk eo an Jemed ej n̄an lo̧mo̧o̧ren kōj, pinmuuri kōj, eļļo̧ke jouj eo n̄an kōj , im ejja in wōt boktok n̄an kōj m̧ōņōņō, ta eo kōttōbar eo an eo Nejin im ilo e im karōk in eaar bōk jikin? …
Ankilaan Jisōs ej Ankilaan Jemed eo ejouj. Ekōņaan kōm̧m̧an jabdewōt wāween n̄an kajjojo iaan ajri ro nejin Jemed n̄an bōk jem̧ļo̧k in jibadbad eo an karōk eo, mour indeeo Ippāer. Ejjeļo̧k juon ej wōtlo̧k jen kōjeram̧m̧an in ekwojarjar. …
Rilo̧mo̧o̧r, ej Rilale jip eo Em̧m̧an, ej illo̧k in kappukot jiip ko an rej jebwābwe m̧ae iien E ej lo er. …
Jaab, E ejjab kajutak iaļ ko rekilōk im kein bōbrae ko; Ej joļo̧ki. Ejjab dāpij eok inabōj; Ej karuwaineneik eok n̄an deļo̧n̄. …
En̄in ej nuuj eo em̧m̧an! N̄aij kam̧m̧olool eļap jen maron̄ ba kōn m̧ool kein rej allikar. Kōm̧anm̧an eo an Jemed, pepe eo An, kōttōbar eo An, karōk eo An, kōņaan eo An, im kōjatdikdik eo An rej aolep n̄an kōmour eok, aolep n̄an boktok am̧ aenōm̧m̧an, aolep n̄an boktok eok n̄an kapijuknen.