M̧wen̄an eo an Jibbon̄ in Jādede
Likit Eok Ioon Irooj Jisōs Kraist
Jidik in kōnono in
Eo Jemād ekōņaan juon jemjerā emwilaļ ippān aolep ļaddik im leddik ro Nejin, bōtaab ej ad kāālet. Ilo ad itok epaak E ilo juon bujen jemjerā, ej kōtļo̧k bwe E en epaake tok kōj14im lukkuun kōjeraam̧m̧an kōj.
… Jisōs Kraist ej pād ioļapļap in aolep bujen ko jej kōm̧m̧ani, im kōjeraam̧m̧an in bujen ko rej waļo̧k kōnke kōn en̄taan in pinmuur eo An.
Peptaij kōn tulo̧k ej kakōļļein kōjem̧ eo jej delo̧n̄e ilo juon bujen jemjerā ippān Anij. Ilo ad tulo̧k ilo dān im bar walōn̄tak ej juon kakōļļe in mej eo an Rilo̧mo̧o̧r im Jerkakpeje n̄an mour ekāāl. … Ilo Kallim̧ur Ekāāl jej riit, “ Bwe ro otemjej iaami em̧ōj peptaij er ilo Kraist rar kōṇak Kraist” [Galatia 3:27]. …
Kain̄i eo an kwojkwoj eo ej bar jitōn̄ļo̧k n̄an Rilo̧mo̧o̧r. Pilawe im dān eo rej kakōļļein kanniōk im bōtōktōk in Kraist me ekar rup kōn kōj. … Ilo ad m̧ōn̄ā im idaak kakōļļein Ānbwinnin im Bōtōktōkin, Kraist ej erom̧ juon m̧ōttad [lale Jon 6:56]. …
Ilo ad kōm̧m̧an bujen ippān Anij ilo m̧weeo im̧ōn Irooj, jej kam̧wilaļļo̧k jemjerā eo ad Ippān. Aolep men ko jej kōm̧m̧ani ilo tampeļ rej jitōn̄ļo̧k n̄an karōk eo an Jemed n̄an kōj, eo ioļapļap in ej Rilo̧mo̧o̧r im en̄taan in pinmuur eo An. …
… Kaarmen in tampeļ ko ad rej kakeememej kōj bwe Rilo̧mo̧o̧r im kōjeraam̧m̧an ko an Pinmuur eo An rej bōbrae kōj ilo aolepen mour ko ad. Ilo ad kōņaki kaarmen ko an priesthood eo ekwojarjar kajjojo raan, kakōļļe in eaibojooj ej erom̧ m̧ōttad. …
… Ij kam̧ool kōn kōjeraam̧m̧an kein reļļap an bujen jemjerā eo eļap tokjaer āinwōt wōņāāņ eo eaorōk.