M̧wen̄an eo an Jibbon̄ in Jādede
Makūtkūt ko an juon Kijeek Ettiņo̧
Jidik in kōnono in
Ro jeiū im jatū, ij kam̧ool bwe Anij ej ron̄jake aolep jar ko jej liļo̧k im ej uwaaki kajjojo iaer ekkar n̄an iaļ eo E ekar ļōme n̄an wāppen eo ad. … Ej n̄an un ko wōt Anij wōt ejeļā kaki etke uwaak in jar ko rej oktakļo̧k jān ad kōjatdikdik—ak ij kallim̧ur eok rej ron̄jaki im er rej uwaak ekkar n̄an iakwe eo An ejjab likjab im iien eo An ejjejet.
Eļan̄n̄e jej “kajjitōk im jab pere” [2 Nipai 4:35], ejjeļo̧k juon jon̄ak n̄an n̄āāt, ia,ak kōn ta jej aikuj jar kake. …
… Jej aikuj jar ippād make, ilo baam̧le ko ad, im ilo jarlepju ko an jabdewōt dettan. Jej aikuj in kōjerbal jar āinwōt juon kein kattōrak ņae kapo,im eļan̄n̄e ewōr jabdewōt iien jej en̄jake n̄an jab jar, jemaron̄ in lukkuun kile bwe m̧akoko ejjab itok jān Anij, Eo im ej jan̄uwaade an kōnono ippān ajri ro Nejin jabdewōt iien im aolep iien. … N̄e jejjab jeļā ekōjkan ak jejjet in ta n̄an jar kake, jej aikuj jinoe, im wōnm̧aanļo̧k, m̧ae iien Jetōb Kwojarjar eo ej tōl kōj n̄an jar im jej aikuj in leļo̧k. …
Eļaptata, jemaron̄ reilo̧k n̄an waanjon̄ak eo an Rilo̧mo̧o̧r, eo ekar emakijkij, im emakijkij an jar. …
Ilo meļeļe in anjo̧ eo an Kraist ioon mej in kanniōk im mennin letok eo An n̄an n̄a n̄an aō maron̄ mour elōn̄ wiik ko ak allōn̄ ko ilo mour in, ij kwaļo̧k kam̧ool em̧ool kōn m̧ool eo an mour indeeo im aikuj eo n̄an ad m̧ool ilo karōk eo ad n̄an e.