M̧wen̄an eo an Jibbon̄ in Jabōt
Jar, E Epād Ijo
Jidik in kōnono in
Ta kōjeraam̧m̧an ko komaron̄ jar kaki? M̧ool elōn̄, ak rainin ikōņaan kwaļo̧k kōn jilu: …
M̧oktata, Jar n̄an Jeļā
Ta eo kwoj aikuj jeļā? …
N̄e kojeļā ke Jemedwōj Ilan̄ em̧ool im bwe E ej iakwe eok, komaron̄ mour kōn peran im kōjatdikdik! …
Jet iien komaron̄ kōņaan jeļā etke juon men epen ej waļo̧k ilo mour eo am̧ ak etke kojjab bōk kōjeraam̧m̧an ko kwaar jar kaki. Ekkā wōt kajjitōk ko rem̧m̧antata n̄an kajjitōkin Jemedwōj Ilan̄ ejjab etke ak ta. …
… Jemedwōj Ilan̄ enaaj tōl eok n̄e kwoj kajjitōkin E ta eo kwomaron̄ kōm̧m̧ane im ta eo kwomaron̄ ekkatak.
Kein karuo, Jar n̄an Eddōkļo̧k
Jemedwōj Ilan̄ ekōņaan jipan̄ eok eddōkļo̧k! …
Kokņaan ke eddōkļo̧k ilo kijenmej ak ilo m̧ool? Kwokōņaan ke eddōkļo̧k ilo juon kapeel? Bōlen kwōjookok im kōņaan eddōkļo̧k ilo peran. “Jar, E ej pād ijo!” Kōn Jetōb eo An, buruōm̧ emaron̄ oktak, im komaron̄ bōk kajoor. …
Kein kajilu, Jar n̄an Kwaļo̧k
Kwomaron̄ jar n̄an jipan̄ n̄an kwaļo̧k iakwe eo an Jemedwōj Ilan̄ n̄an ro jet. Jān Jetōb eo An, Jemedwōj Ilan̄ enaaj jipan̄ eok kile juon eo ebūrom̧ōj im komaron̄ kaenōm̧m̧an er. E emaron̄ jipan̄ eok kwaļo̧k An iakwe ilo am̧ jeorļo̧k an ro jet bōd. E emaron̄ lewaj n̄an eok peran n̄an jipan̄ juon im kwaļo̧k n̄an er ke er rej nejin Anij. …
Kwaļo̧k n̄an Jemādwōj Ilan̄ ta eo ilo būruōm̧.