M̧wen̄an eo an Jibbon̄ in Jabōt
Kajoor in, Karōk eo Ewānōk an Katak an Kraist
Jidik in kōnono in
Kadeļo̧n̄ E, jān Malory Fiso
Bun̄tōn jetōb eo ej ejaak “aolepen iien ad mourilo an emakūjkūj ad ļoor katak eo an Kraist.” Kōm̧m̧ān āindein, Būreejtōn Russell M. Nelson ekar katakin, ej kwaļo̧ke juon “powerful virtuous cycle” [Anjo̧ Ioon laļ n̄an Lo Ami Kakkije,” Liaona, Nob. 2022, 97]. Ilo m̧ool, m̧ōttan ko an katak eo an Kraist—ko āinwōt tōmak ilo Irooj Jisōs Kraist, ukweļo̧k, delo̧n̄e juon bujen jemjerā ippān Irooj kōn peptaij, bōk menin letok eo an Jetōb Kwojarjar, im niknik n̄an jem̧ļo̧kin7jibadbad eo ejjab n̄an iooni juon wōt kōttan, im kakōļļeik ilo aer dedeļo̧k. …
Tōmak eo ad ilo Jisōs Kraist ej aikuj kajoorļo̧k raan otemjeļo̧k. Ej kajoor ilo ad jar raan otemjej, ekkatak jeje ko rekwojarjar raan otemjej, kejekļo̧kjeņ ioon em̧m̧an eo an Anij raan otemjej, ukweļo̧k raan otemjej, im ļoor im̧we ko an Jetōb Kwojarjar raan otemjej. …
… Bun̄tōn eo ej bareinwōt ekkal ilo ad kajjieon̄ pokake kien ko an Anij im ukweļo̧k. …
M̧ōttan eo tok juon an katak eo an Kraist ej peptaij, eo ekitbuuj peptaij kōn dān in im, kōn kapene, peptaij kōn Jetōb Kwojarjar. Ilo an peptaij kōm̧m̧an juon wōt iien, jej bar kōkāāl bujen peptaij eo ad ilo emakūjkūj n̄e jej bōk kwojkwoj eo. …
Ilo an Jetōb Kwojarjar kōm̧m̧an eļap oktak ilo mour ko ad, jej eddōkļo̧k im wōnm̧anļo̧k in ejaake m̧wil ko m̧wilin Kraist. … Im kōn menin jej tōpar kajoor in lan̄ eo jaikuji n̄an niknik n̄an jem̧ļo̧kin. …
Ij karuwaineneik kom̧ n̄an āliji im āliji ami mour kōn katak ko an Kraist, n̄an kōkōm̧anm̧an, im lukkun kōttōbar im jipan̄ ro jet ilo iaļ eo aer.