M̧wen̄an eo an Ālkin Rālep in Jādede
N̄an Jipan̄ Diktakin Epepen in
Jidik in kōnono
Aolepān ward eo enaaj jeraam̧m̧an im kajoorļo̧k ilo an membōr ro mije wōt ro diktak in epepen in. …
Jodikdik ro renaaj ekkatak jon̄ak in revelesōn eo ilo aer bōk koņaer ippād ilo jerbal in kappukot im m̧akūtkūt ioon im̧we ko n̄an jerbal n̄an ro jet. Ilo an jodikdik ro oktakļo̧k n̄an Irooj kōn tōl eo eim̧we, jem̧jerā ko aer Ippān im lōke eo ilo E enaaj m̧wilaļļo̧k.
Jej kwaļo̧k ad lōke jodikdik ro ilo ad leļo̧k jipan̄ im tōl ilo ad jab bōk eddo eo jān er. Ilo ad kāliktak im kōtļo̧k bwe jodikdik ro ren ekkatak ilo aer ko̧o̧njeļ ippān doon, kāālet juon kein jipan̄ im̧we, im likūt karōk ko aer ilo jerbal, er renaaj en̄jake lan̄lōn̄ eo em̧ool im kajoorļo̧k. …
Jodikdik ro rej kabwilōn̄ kōj kōn peran eo aer, aer tōmak, im maron̄ ko aer. Ilo aer kāālet n̄an lukkuun bōk koņaer āinwōt rikaļoor ro an Jisōs Kraist, gospel eo An enaaj lōlō iburuweer. Ļoor E enaaj erom̧ juon m̧ōttan mour ko aer, ejjab wōt ta ko rej kōm̧m̧ane. …
Jodikdik ro rainin rej ilubwiljin jetōb ko rem̧m̧an nejin Jemedwōj Ilan̄. Rekar ilubwilijin ribōbrae m̧ool im anemkwoj ro rem̧ool ilo laļ eo m̧okta. Rekar lo̧tak ilo raan kein n̄an aiintok Israel kōn kajoor in kam̧ool eo aer kōn Irooj Jisōs Kraist. E ejeļā kajjojo iaer im ejeļā jibadbad eo aer eļap. E ej kijenmej ilo aer rūttoļo̧k. E enaaj pinmuur im kōjparok er. E enaaj kōmour im tōl er.