M̧wen̄an eo an Ālkin Rālep in Jādede
Juon Lanlōn̄ Eoutiejļo̧k
Jidik in kōnono in
Kabūrom̧ōjm̧ōj eo, āinwōt ilo lale n̄an elōn̄ armej, m̧ōņōņō epen tōbare. …
… En̄jake būrom̧ōj ejjab juon kōkkaļļe in likjab. Ilo mour in, ilo jabdewōt wāween, lan̄lōn̄ im būrom̧ōj rejjab m̧ōttan ko rej jenolo̧k jān doon. …
Ijoke, ikar barāinwōt en̄jake ilo n̄a make aiboojoj eo ej jino kobrak aō kōn lan̄lōn̄ eo eļap eo im emaron̄ in pen dāpiji. Ikar loe ilo n̄a make bwe lōke in kaenōm̧m̧an in ej itok jān ad ļoor Rilo̧mo̧o̧r im etetal ilo iaļ eo An.
Aenōm̧m̧an in E ej letok ejjab āinwōt eo laļin ej letok. Em̧m̧anļo̧k. Eutiejļo̧k im ekwojarjarļo̧k. …
Jemed Ilan̄ ekar jab ņooje iaļ in m̧ōņōņō eo. Ejjab juon men ettiņo. Epeļļo̧k n̄an aolep!
Kar kallim̧ur kake n̄an ro otemjej rej etetal ilo iaļ in rikaļoor, ļoore katak ko im waanjon̄ak eo an Rilo̧mo̧o̧r, kōjparok kien ko An, im kautiej bujen ko rej kōm̧m̧an ippān Anij. …
… Ej piktokin aolep men ko an laļ in ilo aer eddōkļo̧k im bwijwōļā, medeo̧n̄eo̧n̄ļo̧k, mejkunļo̧k, ak erom̧ mōrā. Ak lan̄lōn̄ an Anij ej n̄an indeeo, kōnke Anij ej indeeo. …
… Jouj im kōtļo̧k aō lewaj jejjo bun̄tōn ko kōn iaļ in ewōr tokjān n̄an pukot lan̄lōn̄ eo erreeo. …
Ilo raan ko rej itok, wiik ko, im allōn̄ ko, imaron̄ ke karuwaineneik kom̧ n̄an:
-
Joļo̧k iien ilo juon kijejeto em̧ool, eobrak kōn bōro eperan n̄an kepaake iturin Anij.
-
Tiljek ilo kappukot aolep raan iien ko kōn kōjatdikdik, aenōm̧m̧an, im lan̄lōn̄.
-
Bōktok lan̄lōn̄ n̄an ro jet ipeļaakūm̧. …
Jen aolep kappukot im lo lan̄lōn̄ eo eutiejļo̧k im ej itok jān ad wūjlepļo̧ke mour ko ad n̄an Jemedwōj Ilan̄ im Nejin Emake Wōt jitōn bōro.