M̧wen̄an eo an Jibbon̄ in Jādede
Bujen Lōke jān Jisōs Kraist
Jidik in kōnono in
Ro jeiū im jatū jitōnbōro, ro rej bōk lōke em̧ool ilo bujen ko kar kōm̧m̧ani iloan m̧weeo im̧ōn Irooj jān Jisōs Kraist ewōr ippaer juon iaan kajoor ko me jemaron̄ kōjerbal ilo mour in. …
Ekōjkan ad bōk lōke rōt in jān Jisōs Kraist? Ej itok jān ettā bōro, likūt Jisōs bween unjen mour ko ad, mour jān pedped in katak ko an gospel eo an Jisōs Kraist, bōk kain̄i ko an lo̧mo̧o̧r im mour utiejtata, im kautiej bujen ko jej kōm̧m̧ani ippān Anij ilo m̧weo Im̧ōn ekwojarjar. …
… Ijeļā ke n̄e Irooj ej loe jekdoon jidikin juon ikdeelel ak meram in kijejeto in jerbal jim̧we ilo ad m̧ōņōņō in kōm̧m̧an bwe E en unjen mour ko ad, im ilo kain̄i im bujen ko jej kōm̧m̧ani ilo m̧weeo Im̧ōn, E enaaj kōjeraam̧m̧an kōj, ilo wāween eo An ewāppen, kōn kabwilōn̄lōn̄ ko im jouj ko jej aikuji.
M̧weeo im̧ōn Irooj ej ijo jemaron̄ in oktak ilo wāween ko eutiejļo̧k im kwojarjarļo̧k. … Ij kam̧ool n̄an kom̧ ke an pād ippād Jetōb in m̧weeo im̧ōn Irooj ilo kōj ej ukōt kōj, ilo m̧ool. …
Jerbal in ekkal eo an tampeļ ko renaaj wōnm̧aanļo̧k wōt n̄an kam̧ōņōņō, im̧we, im kōjeraam̧m̧an kōj. Bōtaap eļapļo̧k an aorōk, ilo ad ukōt keppopo eo ad n̄an deļo̧n̄e tampeļ eo, jenaaj ukōt en̄jake eo ad ilo tampeļ, eo me enaaj ukōt mour ko ad ilikin tampeļ eo. Oktak in en kobrak kōj kōn lōke ilo bujen ko ad rekwojarjar jaar kōm̧m̧ane ippān Anij kōn Jisōs Kraist.