M̧wen̄an eo an Ālkin Rālep in Jādede
Aolep Men Otemjeļo̧k N̄an Em̧m̧an Eo Ad
Jidik in kōnono in
Mekarta, ilo laļin an en̄taan,“jej jeļā bwe men otemjej rej jim̧or jerbale em̧m̧an n̄an ro rej yokwe Anij” [Rom 8:28]. …
Juon kallim̧ur ekabwilōn̄lōn̄! Kallim̧ur in kaenōm̧m̧an eo jān Anij Make! …
… Mour kōn tōmak, mālijjon̄ ko im kaarmejete ko jeban kar kāālet maron̄ kōjeraam̧m̧an kōj im ro jet ilo wāween ko jejjan̄in kar ļōmņaki.
Jej kōļapļo̧k tōmak, lōke ilo Irooj bwe aolep men otemjej ren maron̄ jerbal ippān doon n̄an em̧m̧an eo ad ilo ad bōk juon ļōmņak indeeo;meļeļe mālijjon̄ ko ad maron̄ in “n̄an jidik wōt tōrean;” kile en̄taan eo emaron̄ in kōkwojarjare n̄an ad bōk; kile bwe jorrāān ko, idin̄ in mej, nan̄inmej eļļap, im kūj ko rej m̧ōttan mour in, im lōke Jemādwōj Ilan̄ eo em̧m̧an ejjab letok mālijjon̄ ko n̄an kaje ak ekajet. …
… Men ko rej jerbal ippān doon n̄an em̧m̧an n̄e jej jerbal in karejar āinwōt Jisōs Kraist.
Juon baba eo kar kappeik ļaddik eo nejin bwe en m̧ōttanļo̧k ilo jerbal in karejar, “Jerbal in karejar ej n̄e jej etal jān ro rūturiid me rej bōkļo̧k cookies ko n̄an ro m̧ōttad, ro im̧aantata in mej ko an jetōb.” Bujen uwaan ilo Jisōs Kraist ej kaenōm̧m̧an, ej kakkejel, ej kōkwojarjar. …
Bok in Mormon ej kein kam̧ool eo jemaron̄ jibwe ilo peid bwe Jisōs ej RiKraist eo im Anij ej kakūrm̧ool kanaan ko An. …
Ilo an tampeļ ko epaaktok n̄an kōj ilo elōn̄ jikin ko, juon katak an tampeļ eo jemaron̄ leļo̧k ej n̄an kappukot kwojarjar ilo m̧weo im̧ōn Irooj emakijkijļo̧k. …
Ilo iien ko im indeeo, jibadbad eo an Kōm̧anm̧an eo im lukkuun piktok in Anij Make rej bōktok aolep men ko rem̧m̧an n̄an em̧m̧an eo ad.
En̄in ej jibadbad eo an Irooj indeeo. Ej An ļōmņak indeeo. Ej An kallim̧ur indeeo. …
… Itok n̄an Anij Jemād im Jisōs Kraist. Ļōke Rej mour, iakwe eok, im kōņaan aolep men otemjej n̄an em̧m̧an eo am̧.