Te Tetere ni Bwakantain te Kaonobong
Bwaai ni Kabane Ibukin Kabwaiara
Te Rongorongo ae Kaeweaki
Ma n te aonaaba ae karawaawata aio,“ti atai bwaai bwa a bane n ibuobuoki ni karika te raoiroi ibukia akana a tangira te Atua” [I-Rom 8:28]. …
Te berita ae tamaroa! Te karaunano ae reke bon mairoun te Atua! …
… Te maeka ma te onimaki, te kataaki ao te anga nano ake ti bon aki rinei e kona ni kakabwaiaira ma tabeman ni kawai aika ti aki kantaningai.
Ti kakorakora te onimaki ao te kakoaua iroun te Uea bwa a na mwakuri bwaai ni kabane ibukin kabwaiara ngkai ti karekea te taratara ae akea tokina; atai kataakira bwa tao bon ti i nanon te “tai ae e uarereke”; n atai karawawata bwa a kona ni katabuaki ibukin kabwaiara; ni butimwaea te kabuanibwai, te mate ae karina, te mamara n taian aoraki bwa mwakoron te maiu aei; ao n onimaki bwa Tamara are i Karawa ae tatangira e aki anga te kataaki ni karekei kaira ke n motiki taekara iai. …
… A bane ni mwakuri bwaai ibukin ae raoiroi ngkana ti ibuobuoki n aron are E karaoia Iesu Kristo.
E kabwarabwara te tama ae e katoaaki ma natina te mwaane ni karaoa te mwakuri n ibuobuoki, “Te mwakuri n ibuobuoki e riki ngkana ti bitaki man raao ngaira aika ti uoti kuukii nakoia raoraora aika onimakinakinaki, n riki bwa taan moan kaeka n te maiu n tamnei.” Te riki bwa kaain te berita ae tabu i nanon Iesu Kristo e anga te rau, te reitaki, te katabuaki. …
Ana Boki Moomon bon te kakoaua ae ti kona n taua i nanon baira bwa Iesu bon te Kristo ao te Atua e kakoroa nanon Ana taetae ni burabeti. …
Ngkai a kaan riki tembora nakoira n taabo aika a mwaiti, te anga karea n te tembora ae ti kona n anga bon ukoran te tabo ae tabu ni katoa tai inanon ana auti te Uea. …
N te tai aei ao ae akea tokina, te kantaninga n te Karikibwai ao aron raoi te Atua bon ibukin karokoan bwaai ni kabane ibukin arora.
Aio bon Ana kantaninga te Uea ae akea tokina. Bon Ana taratara ae akea tokina. Bon Ana berita ae akea tokina. …
… Nakomai nakon te Atua ae Tamara ao Iesu Kristo. Kakoauaa bwa A maiu, a tangiriko, ao a tangiri bwaai ni kabane bwa a na mwakuri ibukin kabwaiami.